კიზინგერი მეგობარია, თუმცა ეს არ ნიშნავს, რომ ყოველთვის დაეთანხმება საქართველოს მთავრობას. - ამის შესახებ აშშ-ს ელჩმა, კელი დეგნანმა განაცხადა.

მისივე თქმით, კიზინგერი  ქართველი სამხედრო მოსამსახურეებისა და საქართველოს თავდაცვის ძალების მოღვაწეობის დიდი თაყვანისმცემელია.

„ის რაც მე ვიცი კონგრესმენ კინზინგერის შესახებ, არის ის, რომ იგი შეერთებული შტატების კონგრესის წარმომადგენლობით პალატაში „საქართველოს ჯგუფის“ ხელმძღვანელია. ის საქართველოსა და მისი ევრო-ატლანტიკური მომავლის დიდი გულშემატკივარია. ეს ის საკითხია, რისთვისაც ის მრავალი წელია მუშაობს. ის საქართველოს მეგობარია.
იგი ქართველი სამხედრო მოსამსახურეებისა და საქართველოს თავდაცვის ძალების მოღვაწეობის დიდი თაყვანისმცემელია. შესაბამისად, თქვენ კონგრესმენ კინზინგერის სახით ნამდვილი მეგობარი გყავთ. ეს იმას სულაც არ ნიშნავს, რომ ის ყოველთვის დაეთანხმება ყველაფერს, რაც საქართველოში ხდება, ან ყველაფერს, რასაც საქართველოს მთავრობა აკეთებს.
სწორედ ამაშია დემოკრატიის ხიბლი, რომ შესაძლოა არსებობდეს განსხვავებული მოსაზრებები და ამ განსხვავებულობიდან ვიღებთ დებატებს, რასაც იმ პოლიტიკისა და ინიციატივების შემუშავებამდე მივყავართ, რაც ქვეყნის საუკეთესო ინტერესებს ემსახურება. საერთო ჯამში, ძალიან მნიშვნელოვანია ინკლუზიური დებატების გამართვა, რომლის დროსაც ყველა მოსაზრება გაჟღერდება“. - ნათქვამია განცხადებაში.

შეგახსენებთ, რომ ბოლო დღეების განმავლობაში "ქართული ოცნების" ლიდერები ორაზროვან განცხადებებს აკეთებენ ევროპარლამენტარებთან და საქართველოში აშშ-ს საელჩოსთან მიმართებაში, ასევე აღსანიშნავია მმართველი პარტიიდან წასული სამი დეპუტატის - ხუნდაძის, ყაველაშვილისა და სუბარის განცხადებები.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო