მიხეილ სააკაშვილის საქმეზე ვერაფერს ვიტყვი, მაგრამ აშკარაა, რომ არ არსებობს პოლიტიკური ნება, რომ ნაპოვნი იქნას კომპრომისი. - ამის შესახებ ევროპარლამენტარმა, ვიოლა ფონ კრამონმა განაცხადა.

მისივე თქმით, ნიკა გვარამია ციხეში ჩასვეს აბსოლუტურად უმიზეზოდ, ეს გამოგონილი ისტორიაა.

" ვერაფერს ვიტყვი, მაგრამ აშკარაა, რომ არ არსებობს პოლიტიკური ნება, რომ ნაპოვნი იქნას კომპრომისი. ამ საქმეს უყურებენ არა როგორც ცალკეული პიროვნების საკითხს, არამედ როგორც პოლიტიკური ოპონენტის საკითხს, რომელიც სურთ, რომ დაამცირონ. ეს, რა თქმა უნდა, არ არის საერთაშორისო სტანდარტი.
მე გვარამიას და სააკაშვილის საქმეებს ერთ კალათაში არ განვიხილავდი. ნიკა გვარამია ციხეში ჩასვეს აბსოლუტურად უმიზეზოდ. ეს გამოგონილი ისტორიაა.
რაც შეეხება ყოფილ პრეზიდენტს, თუ მისი დაპატიმრების კანონიერი საფუძველი არსებობს, მას უნდა მიუდგნენ სამართლებრივად და არა პოლიტიკურად. ამავე დროს, სხვა დემოკრატიულ ქვეყნებში ასეთ შემთხვევაში სხვა სასჯელს გამოიყენებდნენ, მაგალითად ფინანსურ ჯარიმას. მაგრამ, სამწუიხაროდ აქ ძალიან დაბალი სტანდარტებია და არსებობს დიდი სურვილი, რომ პოლიტიკური ოპონენტები დევნონ. ვფიქრობ, ეს ძალიან ბევრს ამბობს საქართველოს მმართველ ძალაზე".  - ნათქვამია განცხადებაში.

შეგახსენებთ, რომ უცხოელი დიპლომატები საქართველოში ორდღიანი საერთაშორისო კონფერენცია "დიდება უკრაინას!" ფარგლებში ჩამოვიდნენ.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო