საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე სომხეთის რესპუბლიკის დელეგაციას შეხვდა.

ჯანდაცვის სამინისტროს ინფორმაციით, თამილა ბარკალაიამ, კოლეგებს, ქალთა მიმართ და ოჯახში ძალადობის პრევენციის თუ მის წინააღმდეგ ბრძოლის საკითხებზე საქართველოს გამოცდილება გააცნო.

„სამუშაო შეხვედრაში მონაწილეობდნენ სომხეთის შრომისა და სოციალურ საქმეთა მინისტრის მოადგილეები, ტატევიკ სტეფანიანი, ანა ჟამაკოჩიანი და სამთავრობო უწყებების სხვა წარმომადგენლები. ასევე სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორი მერი მაღლაფერიძე და დირექტორის მოადგილე ლაშა ჯინჯიხაძე.

როგორც თამილა ბარკალაიამ აღნიშნა, შეხვედრაზე, კოლეგებს ქალთა მიმართ ძალადობისა და ოჯახში ძალადობის საკითხებზე მომუშავე სახელმწიფო უწყებების გამოცდილება გაუზიარეს. ასევე, განიხილეს სტამბულის კონვენციის რატიფიკაციისა და რატიფიკაციის შემდგომ კანონმდებლობაში განხორციელებული ცვლილებები, ოჯახში ძალადობის რისკის შეფასების ინსტრუმენტები, ძალადობის მსხვერპლთა დახმარების სერვისების, გენდერული და სექსუალური ნიშნით განხორციელებულ ძალადობასთან დაკავშირებული მონაცემების შეგროვებისა და ანალიზის მეთოდები, უწყებათაშორისი კოორდინაციისა და სხვა საკითხები.

სამუშაო შეხვედრა პროექტ „ევროკავშირი გენდერული თანასწორობისთვის: რეფორმების ტექნიკური ჯგუფის“ ფარგლებში გაიმართა, NIRAS-ის მიერ ევროკომისიის სამეზობლო და გაფართოების პოლიტიკის გენერალური დირექტორატის (DGNEAR) მანდატით”,- აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა