ანდაცვის სამინისტროს ინფორმაციით, შრომის ინსპექციის სამსახურისა და ევროკავშირის დაძმობილების პროექტის ფარგლებში გამართულ სემინარზე, მჯდომარე სამუშაოსთან დაკავშირებული რისკები განიხილეს.

უწყების ცნობით, სამუშაო ფორმატში განხილული იყო მჯდომარე სამუშაოსთან დაკავშირებული რისკ-ფაქტორები და ამ პრობლემასთან გამკლავების გზები. მოწვეულმა ექსპერტებმა მოწვეულ სტუმრებს ამ მიმართულებით არსებული საუკეთესო საერთაშორისო პრაქტიკა გაუზიარეს.

„მჯდომარე სამუშაო ჯანმრთელობისთვის უხილავ რისკს წარმოადგენს. ევროპის შრომის უსაფრთხოებისა და ჯანმრთელობის სააგენტოს მონაცემების თანახმად (EU OSHA) ევროკავშირის ტერიტორიაზე დასაქმებულთა 28% სამუშაო დროის უმეტეს ნაწილს მჯდომარე მდგომარეობაში ატარებს. დამატებით 30% კი აღნიშნავს, რომ დროის მეოთხედს მჯდომარე სამუშაოს შესრულებას უთმობს. შესაბამისად, სამუშაო ადგილების 60%-თვის მჯდომარე სამუშაო მნიშვნელოვან რისკ-ფაქტორს წარმოადგენს.

მომსახურების სფერო, წარმოება, საავტომობილო მრეწველობა, ონლაინ სერვისები, ეროვნული და საერთაშორისო ვაჭრობა, სატელეკომუნიკაციო მომსახურება, ადმინისტრაციული საქმიანობა, როგორც საჯარო, ისე კერძო ბიზნესში - ეს მხოლოდ იმ სექტორთა მცირე ჩამონათვალია, სადაც მჯდომარე სამუშაოები დომინირებს. ეს სფეროები საქართველოს ეკონომიკაშიც მნიშვნელოვნადაა წარმოდგენილი და მათი წილი ეროვნულ ეკონომიკაში კიდევ უფრო იზრდება.

სემინარი EU OSHA-ს მიმდინარე კამპანიის ნაწილია, რომელიც „დატვირთვის შემსუბუქებას“ შეეხება და ხაზს მჯდომარე სამუშაოსთან დაკავშირებულ გამოწვევებს და პრობლემასთან გამკლავების გზებს უსვამს.

შეხვედრას დარგობრივი ასოციაციის, შრომის უსაფრთხოების კომპანიებისა და შრომის ინსპექციის სამსახურის წარმომადგენლები ესწრებოდა,“ - აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის