2022-04-05 20:45:41, 1310 ნახვა
მსოფლიო
გაეროში აშშ-ს წარმომადგენელი რუსეთის ადამიანის უფლებათა საბჭოდან გარიცხვას ითხოვს
გაეროში ამერიკის შეერთებული შტატების წარმომადგენელმა, ლინდა თომას-გრინფილდმა ადამიანის უფლებათა საბჭოდან რუსეთის გარიცხვა მოითხოვა, რაც გენერალურ ასამბლეაში კენჭისყრას საჭიროებს.
მისი თქმით, რუსეთი არ უნდა იკავებდეს ხელმძღვანელ პოსტს ორგანოში, რომლის მთავარ მიზანსაც ადამიანის უფლებათა დაცვის ხელშეწყობა წარმოადგენს.
ლინდა ტომას-გრინფილდი აღნიშნავს, რომ არაპროვოცირებული ომისა და ჰუმანიტარული კრიზისის შემდეგ, რუსეთის მონაწილეობა ზიანს აყენებს ადამიანის უფლებათა დაცვის საბჭოს სანდოობას.
"დღითიდღე ნათელი ხდება, თუ რამდენად მცირე პატივს სცემს რუსეთი ადამიანის უფლებებს". - თქვა ლინდა თომას-გრინფილდმა.
ავტორი: ექსპრესნიუსი,
epn.ge (@expressnews.ge)
