ამინდის გამო, თბილისი-სენაკი-ლესელიძის გზის მონაკვეთებზე, გადაადგილება შეიზღუდა

2022-03-16 22:59:41, 637 ნახვა

მსოფლიო

თბილისი– სენაკი–ლესელიძის საავტომობილო გზის კმ28–კმ225 (ნატახტრის კვანძი-ბაღდათის კვანძი) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო კმ135–კმ158 (სურამის კვანძი-ხუნევი) მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის გადაადგილება თავისუფალია. საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი იუწყება.

საავტომობილო გზების დეპარტამენტი მოსახლეობას მოუწოდებს, რომ ზამთრის პერიოდისათვის შესაბამისი საბურავებითა და გამართული ავტოტრანსპორტით იმოძრაონ. ასევე, დაემორჩილონ საავტომობილო გზებზე დაწესებულ რეჟიმებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,