2022-03-04 22:00:14, 821 ნახვა
მსოფლიო
აშშ-ის წარმომადგენელი გაეროს საგანგებო სხდომაზე - რუსეთის თავდასხმა ატომურ სადგურზე „თავზეხელაღებული“ და „სახიფათო“ გადაწყვეტილება იყო
ნიუ-იორკში, გაეროს უშიშროების საბჭო მას შემდეგ შეიკრიბა, რაც დიდმა ბრიტანეთმა და სხვა სახელმწიფოებმა უკრაინაში, რუსეთის მიერ ატომური ელექტროსადგურის დაბომბვის გამო, საგანგებო შეხვედრის ჩატარება მოითხოვეს.
აღნიშნულთან დაკავშირებით, აშშ-ს წარმომადგენელმა, ლინდა თომას-გრინფილდმა შეხვედრაზე განაცხადა, რომ რუსეთის ქმედებები „თავზეხელაღებული“ და „სახიფათო“ იყო.
„წუხელ, მსოფლიომ ატომური კატასტროფა, ღვთის მადლით, ძლივს აიცილა“, - აღნიშნა მან.
მისი თქმით, რუსული ძალები 20 მილის (32 კმ) დაშორებით არიან სხვა ბირთვული ობიექტიდან, რაც მსოფლიოს „გარდაუვალი საფრთხეს“ მაინც უქმნის.
ავტორი: ექსპრესნიუსი,
epn.ge (@expressnews.ge)
