უკრაინის დელეგაცია რუსეთისას წინასწარი პირობების გარეშე შეხვდება უკრაინა-ბელარუსის საზღვარზე, მდინარე პრიპიატის მიდამოებში, - ამის შესახებ გადაწყვეტილება უკრაინის პრეზიდენტმა, ვოლოდიმირ ზელენსკიმ მიიღო. 

როგორც ზელენსკი წერს, ბელარუსის პრეზიდენტმა აიღო ვალდებულება, რომ ბელარუსის ტერიტორიაზე განთავსებული ყველა თვითმფრინავი, ვერტმფრენი და რაკეტა ადგილზე დარჩება. 

"ჩვენ შევთანხმდით, რომ უკრაინის დელეგაცია რუსეთისას წინასწარი პირობების გარეშე შეხვდება უკრაინა-ბელარუსის საზღვარზე, მდინარე პრიპიატის მიდამოებში. ალექსანდრ ლუკაშენკომ აიღო ვალდებულება იმაზე, რომ უკრაინის დელეგაციის გამგზავრების, მოლაპარაკებებისა და დაბრუნების დროს ბელარუსის ტერიტორიაზე განთავსებული ყველა თვითმფრინავი, ვერტმფრენი და რაკეტა ადგილზე დარჩება",-წერს ვოლოდიმირ ზელენსკი.

ცნობისთვის, დღეს რუსეთის პრეზიდენტის პრესმდივანმა განაცხადა, რომ  რუსეთის დელეგაცია ბელორუსიაში ჩავიდა და მზადაა უკრაინასთან მოლაპარაკებებისთვის. ამ განცხადებას მალევე გამოეხმაურა ვოლოდიმერ ზელენსკი, რომელმაც დასძინა, რომ კიევი თანახმაა რუსეთთან მოლაპარაკებებზე ნებისმიერ ქვეყანაში, ოღონდ არა მინსკში. 

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა