2022-02-26 10:38:37, 585 ნახვა

---

ანტონ გერაშენკო - ქართველებს სურთ პუტინის წინააღმდეგ სანქციები, მაგრამ მათი რუსეთის პრემიერ-მარიონეტი წინააღმდეგია

უკრაინის შინაგან საქმეთა მინისტრის მრჩეველი, ანტონ გერაშენკო გუშინ, თბილისში გამართულ უკრაინის მხარდამჭერ აქციას სოციალურ ქსელში ეხმაურება.

როგორ გერაშენკო აღნიშნავს, ქართველებს სურთ პუტინის წინააღმდეგ სანქციები, თუმცა პრემიერ-მარიონეტი ღარიბაშვილი, წინააღმდეგია.

„ქართველებს სურთ რუსეთისა და ვლადიმერ პუტინის წინააღმდეგ სანქციების შემოღება, მაგრამ მათი რუსეთის პრემიერ-მარიონეტი, წინაღმდეგია“, - წერს გერაშენკო.

შეგახსენებთ, რომ გუშინ თბილისში, პარლამენტის წინ უკრაინის მხარდამჭერი, მასშტაბური საპროტესტო აქცია გაიმართა. აქციის მონაწილეები სოლიდარობას უცხადებდნენ უკრაინელ ხალხს და ასევე, პრემიერ-მინისტრ ირაკლი ღარიბაშვილის გადაყენებას ითხოვდნენ, რომელმაც გუშინ განაცხადა, რომ საქართველო დასავლეთის მიერ რუსეთისთვის დაწესებულ სანქციებს არ შეუერთდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი