2022-02-17 20:21:10, 740 ნახვა
მსოფლიო
CNN - რუსეთმა აშშ-ის ელჩის მოადგილე ქვეყნიდან გააძევა
„რუსეთმა აშშ-ის მისიის უფროსის მოადგილე (DCM) რუსეთში, ბარტ გორმანი გააძევა“, - ამის შესახებ ამერიკის შეერთებული შტატების სახელმწიფო დეპარტამენტში განაცხადეს.
CNN-ის ცნობით, აშშ აღნიშნულ ქმედებას ესკალაციისკენ მიმართულ ნაბიჯად აღიქვამს და „შესაბამისი ზომების“ მიღებას განიხილავს.
„ჩვენ შეგვიძლია დავადასტუროთ, რომ რუსეთმა აშშ-ის მისიის უფროსის მოადგილე (DCM) რუსეთში, ბარტ გორმანი გააძევა. გორმანი იყო მეორე ყველაზე მნიშვნელოვანი თანამდებობის პირი მოსკოვში აშშ-ის ელჩის შემდეგ და საელჩოს უმაღლესი ხელმძღვანელობის გუნდის მთავარი წევრი“, - აღნიშნულია სახელმწიფო დეპარტამენტის განცხადებაში.
ავტორი: ექსპრესნიუსი,
epn.ge (@expressnews.ge)
