შოლცი - უკრაინა დონბასში სპეციალური სტატუსისა და არჩევნების შესახებ კანონპროექტებს წარადგენს

2022-02-14 18:54:08, 641 ნახვა

მსოფლიო

უკრაინა დონბასის სპეციალური სტატუსისა და ოკუპირებულ ტერიტორიებზე არჩევნების შესახებ კანონპროექტებს წარადგენს.
ამის შესახებ გერმანიის კანცლერმა ოლაფ შოლცმა უკრაინის პრეზიდენტ ვლადიმირ ზელენსკისთან ერთობლივ პრესკონფერენციაზე განაცხადა.
„პრეზიდენტმა ზელენსკიმ დამარწმუნა, რომ უკრაინა განსახილველად მინსკის ჯგუფს წარუდგენს კანონპროექტებს დონბასში სპეციალური სტატუსისა და არჩევნების შესახებ“, - თქვა შოლცმა.
მან ასევე მოუწოდა "კიევსა და მოსკოვს შორის პირდაპირი მოლაპარაკებების დაწყებას".
გერმანიის კანცლერი ასევე ირწმუნება, რომ მზადაა რუსეთის წინააღმდეგ სერიოზული სანქციები დააწესოს, თუ ის კვლავ დაარღვევს უკრაინის ტერიტორიულ მთლიანობას.
შოლცმა ასევე აღნიშნა, რომ ნორმანდიის ოთხეულის ლიდერების მრჩევლებს შორის მოლაპარაკებების ახალ რაუნდს ელის.
ორშაბათს, 14 თებერვალს, გერმანიის კანცლერი ოლაფ შოლცი უკრაინაში ჩავიდა, სადაც პრეზიდენტ ვოლოდიმირ ზელენსკის შეხვდა. ხვალ, 15 თებერვალს, გერმანიის კანცლერი მოსკოვში გაემგზავრება, სადაც რუსეთის პრეზიდენტ ვლადიმირ პუტინს შეხვდება.