ე.წ შეზღუდვები, რომლებიც გუშინ დაბოღმილმა პენიტენციურმა და იუსტიციის სამინისტრომ დაუწესა მიხეილ სააკაშვილს, არის სრულიად უსაფუძვლო და უკანონო, – ამის შესახებ საქართველოს მესამე პრეზიდენტის, მიხეილ სააკაშვილის ადვოკატმა, შოთა თუთბერიძემ განაცხადა.

უფლებადამცველის თქმით, აღნიშნული შეზღუდვების შესახებ გადაწყვეტილება არა გორის სამხედრო ჰოსპიტალში, არამედ იუსტიციის მინისტრის კაბინეტშია მიღებული. 

„ე.წ. შეზღუდვები, რომელიც გუშინ გადაწყვიტა გაბრაზებულმა და დაბოღმილმა პენიტენციურმა სამსახურმა და იუსტიციის სამინისტრომ, რომ დაეწესებინა მიხეილ სააკაშვილისთვის, არის სრულიად უსაფუძვლო და უკანონო, იმიტომ რომ ადვოკატის ვიზიტის უფლება, თავისუფლებააღკვეთილ პირთან, არის ისეთი უფლება, რომლის შეზღუდვაც ამგვარი მოტივებით დაუშვებელია. არ ვიცი, ამ შეზღუდვების სამართლებრივი საფუძველი რა გახდა, როდესაც თითქოს და გვეუბნებიან, რომ მხოლოდ 2 საათი აქვს გამოყოფილი ვიზიტებისთვის, ამგვარ შეზღუდვებს კანონიერი საფუძველი არ გააჩნია. თუ ეს არის გორის ჰოსპიტლის გადაწყვეტილება, ცხადია, რომ ეს არის იუსტიციის მინისტრის კაბინეტში მიღებული გადაწყვეტილება, რომელიც სამარცხვინოდ დგას ხოლმე ყოველი ამგვარი მარცხის შემდეგ და ცდილობს, სასაცილო გამართლება მოუძებნოს იმას, თუ რატომ ჩაფალვდა მისი უწყება ბიძინა ივანიშვილის დავალების შესრულების დროს“, – განაცხადა ადვოკატმა.

ავტორი: ექსპრესნიუსი,

სოციალური ქსელები

18 თვეში პატიმართა რაოდენობა საქართველოში 43%-ით არის გაზრდილი

ბათუმის საზღვრები შესაძლოა შეიცვალოს

მენტორები, რომლებიც საქართველოს ნაკრებს AI-ს საერთაშორისო ოლიმპიადისთვის ამზადებენ

ნეთანიაჰუმ დაადასტურა, რომ ტრამპთან ჰამასის შეთანხმებასთან დაკავშირებით უთანხმოება აქვს