გორის სამხედრო ჰოსპიტალში საქართველოს მესამე პრეზიდენტთან, მიხეილ სააკაშვილთან შესახვედრად მის ადვოკატს, გიორგი მშვენიერაძეს, "ნაციონალური მოძრაობის" წევრ ხატია დეკანოიძეს და ექს–პრეზიდენტის პირად ექიმს, ნიკოლოზ ყიფშიძეს ჯერჯერობით შესვლის შესაძლებლობა არ ეძლევათ.

აღნიშნულთან დაკავშირებით "ნაციონალური მოძრაობის" წევრმა ხატია დეკანოიძემ განცხადება გააკეთა და მოუწოდება იუსტიციის სამინისტროსა და საქართველოს პარლამნეტს, გააკეთონ განმარტება, თუ რატომ არ ეძლევათ მათ ექს–პრეზიდენტის მონახულების საშუალება. 

"მე მივმართავ იუსტიციის სამინისტროს, მივმართავ საქართველოს პარლამენტს, რომელიც არის ვალდებული, რომ პარლამენტის წევრები დაუშვან მის მოსანახულებლად, დაუყოვნებლივ გააკეთონ საჯარო განცხადება და განმარტება იმასთან დაკავშირებით, რატომ არ გვეძლევა ჩვენ საშუალება, განსაკუთრებით უფლებადამცველებს, მის პირად ექიმებს და საქართველოს პარლამენტის წევრებს, რომ მოვინახულოთ მიხეილ სააკაშვილი. ეს არის წამების კიდევ ერთი ფორმა და დასჯა მიხეილ სააკაშვილის სახელმწიფოს მხრიდან", – განაცხადა დეკანოიძემ. 

ავტორი: ექსპრესნიუსი,

სოციალური ქსელები

ამოღებულია "მეთადონი" - ნარკოდანაშაულის ბრალდებით სამი პირი დააკავეს

შეერთებულმა შტატებმა სანქციები დააწესა რუსეთის თავდაცვის სამინისტროს დანაყოფების, რიგი კომპანიებისა და ფიზიკური პირების წინააღმდეგ

როიტერი: აშშ ხუთი დიპლომატიური მისიის დახურვას გეგმავს

კობახიძე – როგორც ჩანს, საქართველოს მოქალაქე „უსამშობლოებს“ ქვეყანაზე მეტად უკრაინაზე შესტკივათ გული