ფინანსთა სამინისტროს შემოსავლების სამსახურის უფროსის მოადგილეებმა ვლადიმერ ხუნდაძემ და ლევან წითელაშვილმა საქართველოს ბიზნეს ასოციაციის წევრი კომპანიების წარმომადგენლებთან ონლაინ შეხვედრა გამართეს. - აღნიშნულის შესახებ ინფორმაციას ფინანსთა სამინისტროს შემოსავლების სამსახური ავრცლეებს.

უწყების ცნობით,შეხვედრის ფარგლებში, მხარეებმა დეტალურად განიხილეს ის ცვლილებები, რომლებიც  ბიზნესის ხელშეწყობის მიზნით, საბაჟო კანონმდებლობაში შევიდა. მათ შორის ფინანსთა სამინისტროს შემოსავლების სამსახურის მიერ, საქონლის გაფორმებისა და გაშვების ფორმალობების გამარტივების მიზნით, ინიცირებული ცვლილება, რომლის თანახმადაც, 15 დეკემბრიდან, გადასახადის გადამხდელებს საქონლის გაფორმების ახალი დაჩქარებული შესაძლებლობები ეძლევათ. კერძოდ, საბაჟო დეკლარაციის დამუშავებისას, მასში მითითებული მონაცემების იმპორტის გადასახდელზე ვალდებულების შესრულების რისკის პროფილთან თანხვედრის შემთხვევაში, საგრძნობლად შემცირდება საქონლის თავისუფალ მიმოქცევაში გაშვებისთვის საჭირო დრო.

„როგორც ბიზნეს ასოციაციაში შემავალი კომპანიების წარმომადგენლებმა აღნიშნეს, მსგავსი ონლაინ შეხვედრები იძლევა შესაძლებლობას ბიზნესისთვის აქტუალურ ყველა კითხვაზე სრულყოფილი პასუხი იქნეს მიღებული.

საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ,  საგადასახადო-საბაჟო მიმართულების მენეჯერმა შოთა კომლაძემ და წევრი კომპანიების წარმომადგენლებმა მადლობა გადაუხადეს ფინანსთა სამინისტროს შემოსავლების სამსახურს აღნიშნული ინიციატივისათვის და აქტიური კომუნიკაციისთვის მზადყოფნა გამოთქვეს.

ონლაინ შეხვედრაში, ასევე მონაწილეობა მიიღეს და ბიზნესასოციაციის წევრთა შეკითხვებს უპასუხეს ფინანსთა სამინისტროს შემოსავლების სამსახურის საბაჟო დეპარტამენტის ხელმძღვანელმა ზურაბ სიჭინავამ და საინფორმაციო ტექნოლოგიების ცენტრის უფროსმა ნოდარ კაკრიაშვილმა.“ - ნათქვამია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს