2021-11-26 13:37:33, 1035 ნახვა

---

ნიკა მელია ხელისუფლებაზე - დაიფშვნევიან, ჩამოინგრევიან, რაც მეტ სისულელეს გააკეთებენ, მით უარესი მათთვის

ბათუმის საკრებულოსთან, სადაც 2022 წლის ბიუჯეტი ხმაურის ფონზე დამტკიცდა, „ნაციონალური მოძრაობის“ თავმჯდომარე, ნიკა მელია მივიდა.

როგორც მელიამ ჟურნალისტებთან საუბრისას განაცხადა, რაც უფრო ბევრ მსგავსს ნაბიჯს გადადგამს ხელისუფლება, მით უფრო მალე დასრულდება.

„ეს ხელისუფლება ყველაფერთან არის მკვლელი, არ ვერიდები, მკვლელი რეჟიმი, რომელსაც მორალური საყრდენი უკვე დიდი ხანია გამოეცალა, პოლიტიკური საყრდენი აღარაფერი აქვს, გარდა ამ რეჟიმის მსახური ზონდერ-პოლიციელებისა, მხოლოდ ძალისმიერ მეთოდებზე დგანან და მხოლოდ პოლიციურ ძალებზე დგანან და როდემდე იდგებიან, დაიფშვნევიან, ჩამოინგრევიან და ამ ყველაფერში დიდ როლს ითამაშებს ქართველი ხალხი. სიმართლე გითხრათ, რაც უფრო მეტ სისულელეს გააკეთებენ, მით უარესი მათთვის, მით უფრო სწრაფად დასრულდებიან“, - განაცხადა ნიკა მელიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი