2021-11-25 12:49:19, 825 ნახვა

---

ადვოკატი - თუ ხალხი დააფიქსირებს შესაბამის პროტესტს, ზურაბიშვილი მიიღებს სააკაშვილის გათავისუფლების ბრძანებას

სააკაშვილის გათავისუფლების უმოკლესი სამართლებრივი გზა, ეს არის პრეზიდენტის მიერ შესაბამისი განკარგულების მიღება. - ამის შესახებ საქართველოს მესამე პრეზიდენის მიხეილ სააკაშვილის ადვოკატმა ბექა ბასილაიამ ჟურნალისტებთან განაცხადა.

ამასთან ბასილაია ამტკიცებს, რომ სასამართლოს და მართმსაჯულების სისტემა თავიდან ბოლომდე პოლიტიკურ მითითებებზეა დამოკიდებული.

"სააკაშვილის გათავისუფლების უმოკლესი სამართლებრივი გზა, ეს არის პრეზიდენტის მიერ შესაბამისი განკარგულების მიღება, რომელმაც ორგზის უკვე განაცხადა, რომ ამას არ გააკეთებს, მაგრამ ეს უნდა იყოს და იქნება ცალსახად ქართველი ხალხის გადასაწყვეტი. თუ ქართველი ხალხი შესაბამის პროტესტს დააფიქსირებს, სალომე ზურაბიშვილი მიიღებს ამ გადაწყვეტილებას. ამასთან ერთად არსებობს სხვა სამართლებრივი მექანიზემბი, რაზეც ვმუშაობთ ამსთან ერთად უნდა გვესმოდეს, რომ სასამართლო სისტემა, მართმსაჯულების სისტემა თავიდან ბოლომდე პოლიტიკურ მითითებებზეა დამოკიდებული. მითითებების ფორმირებას ხელისფლება ახდენს იმის მიხედვით თუ როგორია ხალხის პროტესტი ", - თქვა ბექა ბასილაიამ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი