როდესაც ადამიანი ხანგრძლივად შიმშილობს, მას ყველა ორგანოს დაზიანება განუვითარდება და ფატალურ მდგომარეობამდე ძალიან ცოტა დრო არის- ამის შესახებ, სახალხო დამცველის მიერ შექმნილი კონსილიუმის წევრმა გიორგი გრიგოლიამ განაცხადა.

მისი თქმით, გლდანის მე-18 დაწესებულებაში არის გარკვეული სახის მკურნალობის ჩატარების შესაძლებლობა, თუმცა დარგის ყველა სპეციალისტი ადგილზე არ ჰყავთ.

„როდესაც პაციენტს აქვს რომელიმე ორგანოს - მაგალითად, გულის, ღვიძლის ან ფილტვის დაავადება, სპეციფიკური მკურნალობა არის საჭირო, რაც უფრო ადვილია. როდესაც ადამიანი ხანგრძლივად შიმშილობს, მას ყველა ორგანოს დაზიანება განუვითარდება და ფატალურ მდგომარეობამდე ძალიან ცოტა დრო არის. ჯერ ის სტადიაა, როდესაც ამ ადამიანის ინტენსიურად მკურნალობა შეიძლება და ფატალური გართულებების თავიდან აცილება. ამას სჭირდება ბევრი სხვადასხვა სახის სპეციალისტის არსებობა, კვლევები. იქ არის გარკვეული შესაძლებლობა, მაგრამ ყველა სპეციალისტი ადგილზე არ ჰყავთ, არიან გამოძახებით და მორიგეობით“, - განაცხადა გრიგოლიამ.

მან ასევე განმარტა, რომ კონსილიუმის საბოლოო დასკვნა ჯერ არ გამოუტანია, თუმცა უკვე ფინიშისკენ მიდის.

"ჯერ საბოლოო დასკვნებამდე არ მივსულვართ, მაგრამ უკვე ფინიშისკენ მიდის. კარგი არის ის, რომ თითქმის ყველა ერთ აზრზე ვართ და ცოტა ხანში ნახავთ. მიხეილ სააკაშვილი არის სუსტად და ეს არც არის გასაკვირი, მას უკვე დაეწყო მეტაბოლური ცვლილებები, ჯერ სარეანიმაციო პაციენტი არ არის, მაგრამ არის უკვე კრიტიკულ მდგომარეობაში, რომელსაც სჭირდება ინტენსიური თერაპია",- განაცხადა გრიგოლიამ.

ავტორი: ექსპრესნიუსი,

სოციალური ქსელები

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება

"შემოსვლა მომგებიანია" - საქართველოს ბანკის გათამაშება ინდმეწარმეებისთვის დაიწყო