ეს არ არის მხოლოდ მიხეილ სააკაშვილის ბრძოლა, ეს არის ბრძოლა საქართველოსათვის და იმედს ვიტოვებ, რომ შიმშილობის დღეები მალე დასრულდება, – ამის შესახებ დეკანოიზი ილია ჭიღლაძე სოციალურ ქსელში გავრცელებულ ვიდეო–მიმართვაში აცხადებს.

დეკანოძი საქართველოს მესამე პრეზიდენტს, მოშიმშილე დეპუტატებსა და აქტივისტებს მხარდაჭერას უცხადებს და იმედს გამოთქვამს, რომ შიმშილობის დღეები მალე დასრულდება. 

"მიმდინარე თვენახევრიანი შიმშილობა საქართველოს მესამე პრეზიდენტის ქვეყნის აღმშენებლისა და 90-იანი წლების კრიმინალური სიბნელისა და ჯოჯოხეთისგან საქართველოს გამომყვანის, მიხეილ სააკაშვილის შიმშილობა ეს არის ნამდვილად ისტორიული და ეროვნული მნიშვნელობის გმირობა, რომელიც მიმართულია პუტინის მიერ საქართველოს სრული ოკუპაციის წინააღმდეგ, რომელიც მიმართულია საქართველოს გადარჩენისათვის რათა ქვეყანა გამოვიდეს ამ ოლიგარქიული, პრორუსული მმართველობიდან, რომელშიც უკვე ეჭვი აღარავის აღარ ეპარება მსოფლიოში, ეს ძალიან ცხადია. 

მე ვუსურვებ ბატონ მიხეილ სააკაშვილს დროულად აღსრულებას საკუთარი მიზნების, ჯანმრთელობისა და სიცოცხლის დაცვას და მრავალჟამიერ დღეგრძელობას. მივესალმები საქართველოს პარლამენტის ყველა დეპუტატს, ვინც შიმშილობს მიხეილ სააკაშვილისა და ზოგადად საქართველოსათვის, ეს არ არის მხოლოდ მიხეილ სააკაშვილის ბრძოლა, ეს არის ბრძოლა საქართველოსათვის და იმედს ვიტოვებ, რომ შიმშილობის დღეები მალე დასრულდება, და ყველა კანონიერი და ეროვნული მიზანი და მოთხოვნა აღსრულდება და დაკმაყოფილდება, ეს მიმდინარე შიმშილობები კი საქართველოს ისტორიაში ჩაიწერება ძალიან დიდი ასოებით, როგორც ეროვნული მნიშვნელობის ისტორიული დღეები რომელმაც გამოიტანა უდიდესი კეთილი ნაყოფი საქართველოს სახელმწიფოს და ქართველი ერის გადარჩენისა და აღმშენებლობისათვის", - აცხადებს დეკანოზი. 

ავტორი: ექსპრესნიუსი,

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს