მე მსურს, რომ საქართველოს ხელისუფლებამ სააკაშვილის პიროვნება დაინახოს არა როგორც პოლიტიკური ოპონენტი, არამედ როგორც უნიკალური რეფორმების საერთაშორისოდ აღიარებული არქიტექტორი, - ამის შესახებ უკრაინის ყოფილმა პრეზიდენტმა, ლეონიდ კუჩმამ განაცხადა.

სტატიაში, რომელსაც გამოცემა „გორდონი“ ექსკლუზიურად ავრცელებს, ლეონიდ კუჩმა მოუწოდებს საქართველოს ხელისუფლებას, მიხეილ სააკაშვილთან სიტუაციის მოსაგვარებლად ჰუმანიზმის პრინციპით იხელმძღვანელონ.

„მიხეილ სააკაშვილი - ძალიან მრავალმხრივ რთული პიროვნებაა. არ არის გასაკვირი, რომ მისი სიტუაცია ძალიან რთულია და მარტივი გამოსავალი არ აქვს. გამოსავლის მოსაძებნად საჭიროა ყველა მხარემ გაწონასწორებულობა და ნამდვილი სიბრძნე აჩვენოს.

მე ძალიან მინდა, რომ დემოკრატიული საქართველოს ხელმძღვანელობამ სააკაშვილის პიროვნებაში დაინახოს არა მისი პოლიტიკური ოპონენტი, არამედ მსოფლიოს მიერ აღიარებული უნიკალური რეფორმების არქიტექტორი. დიდწილად, სწორედ სააკაშვილის წყალობით საქართველო მიუახლოვდა ევროპულ ღირებულებებს, რომელთა შორისაა ჰუმანიზმი.

მე მოვუწოდებ მიხეილ სააკაშილს, შეწყვიტოს შიმშილობა. მე ვიცნობ მას, როგორც მტკიცე მებრძოლს და მორწმუნე ქრისტიანს. მაგრამ შიმშილობა ნიშნავს დაკარგო ძალები, რომლის გარეშეც სამომავლო ბრძოლა შეუძლებელი ხდება“, - განაცხადა კუჩმამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთმა ივლისში უკრაინის მიმართულებით რეკორდული რაოდენობის რაკეტები ისროლა

ივლისში რუსეთის არმიის დანაკარგებმა მთელი ომის რეკორდულ მაჩვენებელს მიაღწია

საქართველოში დაიწყო სამუშაოები ანაკლიის ღრმაწყლოვანი პორტის მშენებლობაზე, რომელიც შუა დერეფნის კვანძია

კობახიძე – ოპოზიცია მთლიანად მოშლილია, ჯერ ქართველ ხალხს არ მოსწონდა ეს ოპოზიცია, ახლა უკვე ერთმანეთი აღარ მოსწონთ