ყოფილი პრემიერი და პარტია "საქართველოსთვის" ლიდერი გიორგი გახარია "ქართულ ოცნებას" და "ნაციონალურ მოძრაობას" ღია ფორმატში, ღია სამმხრივ მოლაპარაკებებს სთავაზობს, რომლის მიზანი დაბალანსებული საკრებულოების მიიღება იქნება. - ამის შესახებ გიორგი გახარიამ პარტიის ოფისში გამართულ ბრიფინგზე განაცხადა.

მისივე თქმით, "ოცნება", ისევე როგორც "ნაცმოძრაობა"  ფარული მოლაპარაკებების ფარგლებში ცდილობს მათთან შეთანხმების მიღწევას.

"დღეს პარტია "საქართველოსთვის" არის წარმოდგენილია, როგორც თბილისის მუნიციპალიტეტში ასევე საქართველოს მსხვილ ქალაქებში და ბევრგან გვაქვს ჩვენ შესაძლებლობა გადამწყვეტი ხმა გვქონდეს, როგორც საკრებულოს დაკომპლექტებაში ისე საკრებულოს თავმჯდომარის არჩევაში.

ამ მიზნით სამწუხაროდ მინდა გითხრათ, რომ "ოცნება", ისევე როგორც "ნაცმოძრაობა" გვთავაზობს და ცდილობს ფარული მოლაპარაკების ფარგლებში მიაღწიონ ჩვენთან შეთანხმებას, იმისთვის, რომ მათთვის მისაღები კანდიდატურით დაკომპლექტდეს საკრებულო, რაც ჩვენთვის კატეგორიულად მიუღებელია. მეორე მხრივ "ოცნება" ცდილობს ჩვენ საკრებულოს წევრებზე  თავიანთი მეთოდებით მათი გადაბირებით შედეგი დააყენოს.  ეს ქმედებები მზიან მიმართულია ჩამოყალიბდეს მსხვილ მუნიციპალიტეტებში და მსხვილ ქალაქებში ერთპარტიული საკრებულო, რაც მიუღებელია ჩვენთვის ეს არის ის დავალება, რომელიც ჩვენმა ამომრჩეველმა ჩვენ მოგვცა ვებრძოლოთ ერთპარტიულ მმართველობას.

ჩვენ ვთავაზობთ "ოცნებას" და "ნაცმოძრაობას" ღია ფორმატში ღია სამმხრივ მოლაპარაკებებს, რომლის მიზანი იქნება დაბალანსებული საკრებულოები მიიღება. ჩვენ მზად ვართ უპირობოდ დავეთანხმოთ ნებისმიერ ამ ფორმატში შერჩეულ კანდიდატს და მხარი დავუჭიროთ კანდიდატებს. - განაცხადა გიორგი გახარიამ პარტიის ოფისში გამართულ ბრიფინგზე.

ავტორი: ექსპრესნიუსი,

სოციალური ქსელები

დუნაის დაბლა დაწევამ უნგრეთში, ბოლო 44 წლის განმავლობაში პირველად, ატომური ელექტროსადგურის სრული გაჩერება გამოიწვია

ტრამპი აცხადებს, რომ თუ შეთანხმება სწრაფად იქნება მიღწეული, ის თავს შეიკავებს ირანზე დარტყმისგან

დრონები თავს დაესხნენ სარატოვში ნავთობგადამამუშავებელ ქარხანას და ენგელსის აეროდრომს

რუსეთში დრონის თავდასხმის შემდეგ Wildberries-ის კიდევ ერთ დიდ საწყობს ცეცხლი გაუჩნდა