2021-07-09 10:50:24, 1985 ნახვა
მსოფლიო
„ფაიზერი“ აშშ-ის მარეგულირებელ ორგანოს „კოვიდ-19“-ის ვაქცინის მესამე დოზის ავტორიზაციის მოთხოვნით მიმართავს
კომპანია „ფაიზერი“ გეგმავს, რომ აშშ-ის მარეგულირებელ ორგანოს „კოვიდ-19“-ის ვაქცინის მესამე დოზის ავტორიზაციისთვის მოთხოვნით მიმართოს.
ამის შესახებ ინფორმაციას „როიტერსი“ ავრცელებს.
სააგენტოს ცნობით, აღნიშნულ გადაწყვეტილებას განაპირობებს ის, რომ აცრიდან ექვს თვეში კორონავირუსით ინფექციის რისკი კვლავ იზრდება. ამასთან, სულ უფრო მეტად გადამდები ხდება ე.წ. დელტა შტამი.
როგორც კომპანიის მიერ ჩატარებულმა კვლევებმა აჩვენა, მესამე დოზის მიღების შემდეგ ანტისხეულების 5-10-ჯერ უფრო მაღალი დონე წარმოიქმნება, ვიდრე მეორე დოზით ვაქცინაციის შემდეგ.
„ფაიზერის“ წარმომადგენელთა განცხადებით, ვაქცინის მესამე დოზა განსაკუთრებით მნიშვნელოვანია ხანდაზმული ადამიანებისთვის.
ავტორი: ექსპრესნიუსი,
epn.ge (@expressnews.ge)
