ფრაქცია „ერთიანი ნაციონალური მოძრაობა - ძალა ერთობაშია“ პარლამენტს საერთო სასამართლოებში კლანური მმართველობის შესწავლისთვის საგამოძიებო კომისიი შექმნის მოთხოვნით მიმართავს.

როგორც ფრაქციის თავმჯდომარე ხატია დეკანოიძემ განაცხადა, საერთო სასამართლოებში არსებული მდგომარეობა „საგანგაშოა“ და „ქართული ოცნება“ არღვევს შეთანხმებას, რომელსაც თავად მოაწერა ხელი.

„მთელი ცივილიზებული სამყარო, ისევე როგორც საქართველოს საზოგადოება უმძიმეს შეფასებას აძლევს სასამართლო სისტემაში არსებულ ვითარებას. სენატის საგარეო კომიტეტის უმაღლესი ტრიბუნიდან, ყველა საერთაშორისო ორგანიზაციიდან, ჩვენი პარტნიორების ხაზგასმული აქცენტია, რომ საქართველოს სასამართლოში მოქმედებს და თავხედურად პოლიტიკურ მართლმსაჯულებას ეწევა „კლანი“ და ეს „კლანი“ ძირს უთხრის არა მხოლოდ მართლმსაჯულების სისტემას, არამედ მოქმედებს დემოკრატიის განვითარების წინააღმდეგ და რა თქა უნდა, ეს პირდაპირ კავშირშია იმასთან, რომ საქართველოში არ შემოდის ინვესტიციები, თავისუფალ ბიზნესს თავისუფალი სასამართლოს იმედი არ აქვს. ადამიანებს სასამართლოს მიმართ ყველანაირი იმედი დაკარგული აქვს. საქართველოში არსებული კლანური სასამართლო სისტემა, რომელიც მიწეპებულია ხელისუფლებას და ყველა ხელისუფლების პირობებში კომფორტულად გრძნობს თავს და მაშინ, როცა „ქართული ოცნება" დამოუკიდებელი სასამართლოს დაპირებით მოვიდა ჩვენ ვხედავთ, რომ მურუსიძე-ჩინჩალაძის „კლანი“ საერთო სასამართლოებში არსებული მდგომარეობა არა მხოლოდ კრიტიკას, არამედ საგანგაშო ნიშნულს უახლოვდება, როდესაც „ქართული ოცნება" იმ შეთანხმებას არღვევს, რომელსაც თავად მოაწერა ხელი", - განაცხადა ხატია დეკანოიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ