2021-04-28 11:19:26, 739 ნახვა

---

ალეკო ელისაშვილი ამნისტიაზე: დიდ განსხვავებას ვერ ვხედავ - შესაძლოა, ორივეს დავუჭიროთ მხარი, შესაძლოა, არც ერთს

პარტია „მოქალაქეების“ ლიდერის, ალეკო ელისაშვილის განცხადებით, ამნისტიის კანონპროექტთან დაკავშირებით ხელისუფლებისა და ოპოზიციის ვერსიებს შორის დიდ განსხვავებას ვერ ხედავს.

როგორც მან აღნიშნა, შესაძლოა, „მოქალაქეებმა“ ორივე პროექტს დაუჭირონ მხარი, შესაძლოა, არც ერთს არ დაუჭირონ.

„ძალიან გულახდილად რომ გითხრათ, დიდ განსხვავებას იმაში, რასაც ოპოზიცია ამბობდა და იმას, რასაც „ქართული ოცნება“ ამბობს, ვერ ვხედავ. მთავარი პრინციპები ჩემთვის რაც არის, არის ის, რომ ამნისტია შეეხოს ყველას და ამნისტია არ უნდა გავრცელდეს იმ ადამიანებზე, რომლებიც ხალხს ასახიჩრებდნენ. ეს ორი პრინციპი გათვალისწინებულია და ეს არის პოლიტიკური შეთანხმების ნაწილი. დანარჩენი უბრალოდ ვერ მივხვდი რაზე კამათობდნენ. მთავარია, რომ ადამიანი, ვინც დაასახიჩრა მაკო გომური ამნისტირებული არ იქნეს. შეიძლება ორივეს დავუჭიროთ მხარი და შეიძლება არც ერთს“, - განაცხადა ალეკო ელისაშვილმა.

ცნობისთვის, მმართველმა გუნდმა და ოპოზიციამ ამნისტიის პროექტზე საბოლოო შეთანხმებას ვერ მიაღწიეს, რის გამოც პარლამენტში ორი კანონპროექტი დარეგისტრირდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი