„ნიკა მელიას მიერ გირაოს გადახდასა და 20 ივნისის ამნისტიას შორის არავითარი კავშირი არ არის“, - ამის შესახებ „ერთიანი ნაციონალური მოძრაობის“ ლიდერმა ხატია დეკანოიძემ ტელეკომპანია „პირველის“ ეთერში განაცხადა.

მან ასევე აღნიშნა, რომ ნიკა მელიას გირაო რომც გადაეხადა, ამნისტიის საკითხი დღის წესრიგიდან არ მოიხსნებოდა.

„ნიკა მელიას მიერ გირაოს გადახდასა და 20 ივნისის ამნისტიას შორის არავითარი კავშირი არ არის.

გირაო რა არის? გირაო არის აღკვეთის ღონისძიება, ხოლო ამნისტია არის ის, რომ ადამიანებს სისხლის სამართლებრივი პასუხისმგებლობა ეხსნებათ.

ნიკა მელიას გირაო რომც გადაეხადა, ამნისტიის საკითხი დღის წესრიგიდან არ მოიხსნებოდა.

დოკუმენტში ჩაწერილია, რომ ეს სისხლის სამართლის საქმეები უნდა შეწყდეს და რომ ნებისმიერი საშუალება უნდა გამოიყენონ, რომ საბოლოო შედეგი დადგეს.

ნიკას მორალურ პასუხისმგებლობაზე იყო საუბარი და ეს ძალიან კარგად მინდა განმვმარტო.

სასამართლო პროცესზე ნიკამ თქვა, რომ მისთვის გირაო მიუღებელია და გავრილოვს გირაოს არ გადაუხდის და ასევე მიუღებელია ამნისტიაც, რადგან ამ ამნისტიაში ყვებიან ძალიან მძიმე დამნაშავეები“, - განაცხადა ხატია დეკანოიძემ.

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა