დაიცავით თქვენი უფლებები, დინგში მოარტყით მთავრობას, წინააღმდეგ შემთხვევაში, ბოლომდე გადაგივლიან, - ასე მიმართავს საქართველოს მესამე პრეზიდენტი, მიხეილ სააკაშვილი მცირე ბიზნესის წარმომადგენლებს.

მიხეილ სააკაშვილი გავრცელებულ ვიდეომიმართვაში აცხადებს, რომ მცირე ბიზნესს გაუძვირდა დენის გადასახადი თითქმის 3-ჯერ იმის ფონზე, როდესაც ეკონომიკურმა კრიზისმა გაქრობის პირას მიიყვანა საწარმომთა უმეტესობა.

„ივანიშვილმა მიიღო გადაწყვეტილება და საქართველოს მთელ მცირე ბიზნესს გაუძვირა დენის გადასახადი თითქმის 3-ჯერ. ყველა რესტორანი, კაფე, სასტუმრო, სავაჭრო ობიექტი, პატარა საამქრო გადაიხდის ზუსტად 3-ჯერ მეტს დენისთვის, ვიდრე ამას იხდიდა, ეს იმის ფონზე, როდესაც ეკონომიკურმა კრიზისმა ისედაც წელში გატეხა, გაანადგურა და გაქრობის პირას მიიყვანა ამ საწარმოების უმეტესობა. ეს იმიტომ, რომ ივანიშვილმა მოჭრა მილიარდი დოლარის ბიტკოინი უფასოდ, თითოეული თქვენგანის ხარჯზე და ახლა თქვენი ჯიბეებიდა იღებს ფულს. ზუსტად ასევე, ყველა ობიექტში არის ინტერესი, „ნამახვანს“ აშენებს იმიტომ, რომ „ჰაიდელბერგცემენტი“ აქცია მონოპოლისტად, იყიდა და 250 მილიონ დოლარს აკეთებს მარტო „ნამახვანზე“ და ბევრ სხვა ხეში აქვს ჩადებული თავისი ინტერესი, მათ შორის თავისი ცემენტის გაყიდვის და პირდაპირი წილის სახით.

ამ კაცს მიაჩნია, რომ წინააღმდეგობა მაინც არ იქნება თქვენგან და მაინც გაუვა თავს ეს ყველაფერი. მინდა მცირე ბიზნესის წარმომადგენლებს მოვუწოდო, დაიცვან თავისი უფლებები, დინგში მოარტყან ამ მთავრობას, წინააღმდეგ შემთხვევაში, ბოლომდე გადაგივლიან, ჩაგტკეპნიან და გაგყრიან ამ ქვეყნიდან. ყველამ უნდა დავიცვათ საკუთარი უფლებები, ყველა უნდა ვიყოთ ერთად ამ უსამართლობის წინააღმდეგ“, - განაცხადა მიხეილ სააკაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან