ყველა პარტიასთან, რომელიც ოდნავ კონსტრუქციულობას გამოიჩენს, მზად ვართ, დავსხდეთ მოლაპარაკებების მაგიდასთან, - ასე ეხმაურება საპარლამენტო უმრავლესობის ლიდერი მამუკა მდინარაძე პარტია „მოქალაქეების“ ლიდერის, ალეკო ელისაშვილის განცხადებას.

როგორც მან აღნიშნა, მმართველი გუნდი საარჩევნო რეფორმის განსახორციელებლად მზად არის.

„არამხოლოდ ელისაშვილის პარტია „მოქალაქეებთან“, არამედ როგორც ადრე, ასევე დღესაც მზად ვართ, შეხვედრები ნებისმიერ პარტიასთან, ნებისმიერ ფორმატში ვაწარმოოთ და პასუხისმგებლობა ნებისმიერ დეტალზე ავიღოთ, რასთან დაკავშირებითაც ჩვენ დახურულ თუ ღია შეხვედრებზე ვსაუბრობდით. მზად ვართ, განვახორციელოთ საარჩევნო რეფორმა იმ დეტალების მითითებით, რაზეც ჩვენ ოპოზიციასთან და თავად ელისაშვილთან ერთად შეხვედრებზე ვსაუბრობდით. შეთანხმება პრაქტიკულად მიღწეულია და ჩვენ ამაზე შეგვიძლია პასუხისმგებლობა ავიღოთ. მზად ვართ გავაგრძელოთ საუბარი, რომელიც უნდა დავასრულოთ შეთანხმებით. ყველა პარტიასთან, რომელიც ოდნავ კონსტრუქციულობას გამოიჩენს და მისი მიზანი ქვეყანაში არეულობისა და ქაოსის ნაცვლად შეთანხმება იქნება, მზად ვართ, დავსხდეთ ნებისმიერ ფორმატში მოლაპარაკებების მაგიდასთან“, -  განაცხადა მამუკა მდინარაძემ.

ცნობისთვის, პარტია „მოქალაქეების“ ლიდერმა, ალეკო ელისაშვილმა განაცხადა, რომ ოპოზიციასთან მოლაპარაკებები დაასრულა და მზად არის „ქართულ ოცნებას“ საჯაროდ შეხვდეს.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა