ტურიზმის ეროვნული სააგენტოს ხელმძღვანელის გიორგი ჩოგოვაძის განცხადებით, ტურისტების და მასთან ერთად შემოსავლების ზრდამ ლარის გამყარებას შეუწყო ხელი. მისი განმარტებით, რომ არა ეს მონაცემები, ლარი კიდევ უფრო მეტად გაუფასურდებოდა.

 „სახელმწიფოში საერთაშორისო შემოსავლების რამდენიმე წყარო არსებობს. ერთ- ერთი გახლავთ, რა თქმა უნდა, ტურიზმიდან შემოსული საერთაშორისო შემოსავლები,

ასევე შემოსავლების წყარო გახლავთ გადმორიცხვები საქართველოში და პირდაპირი უცხოური ინვესტიციები.

როგორც გითხარით ტურისტების შემოდინების კუთხით საკმაოდ მნიშვნელოვანი ზრდა გვაქვს. ამან იმოქმედა იმაზე, რომ ლარის კურსი უფრო გამყარებულიყო, ვიდრე ეს იქნებოდა ამ შემოსავლების გარეშე“, - განაცხადა „ტურიზმის ეროვნული ადმინისტრაციის“ ხელმძღვანელმა გიორგი ჩოგოვაძემ.

მისივე განმარტებით, ტურიზმის სფეროში შემოსავალი 2015 წლის მეორე კვარტლის მონაცემებითაც ზრდა დაფიქსირდა და 460 მლნ აშშ დოლარი შეადგინა, რაც 7.1%-ით აღემატება წინა წლის ანალოგიური პერიოდის მონაცემებს.

პირველი ორი კვარტლის ჯამური მონაცემებით, შემოსავლებმა საერთაშორისო ტურიზმიდან 766.4 მლნ აშშ დოლარი შეადგინა. ზრდა წინა წლის ანალოგიური პერიოდთან შედარებით 2.9%-ია, + 21.2 მლნ აშშ დოლარს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა