2020-12-15 09:35:42, 953 ნახვა
მსოფლიო
აშშ-ის საარჩევნო კოლეგიამ ჯო ბაიდენის არჩევნებში გამარჯვება ოფიციალურად დაადასტურა
აშშ-ს საარჩევნო კოლეგიის წევრებმა ჯო ბაიდენის საპრეზიდენტო არჩევნებში გამარჯვება ოფიციალურად დაადასტურეს.
ამის შესახებ ინფორმაციას „ბიბისი“ ავრცელებს.
გამოცემის ცნობით, დემოკრატმა ლიდერმა ნოემბერში ამომრჩეველთა კოლეგიის 306 ხმა მოიპოვა, ხოლო რესპუბლიკელმა ლიდერმა, დონალდ ტრამპმა 232 ხმა მიიღო.
პრეზიდენტად დამტკიცებისთვის 538-წევრიანი საარჩევნო კოლეგიიდან მინიმუმ 270 წევრის თანხმობა იყო საჭირო.
კოლეგიის მიერ დამოწმებული შედეგები ვაშინგტონში გადაიგზავნება და ოფიციალურად 6 იანვარს გამოცხადდება.
პრეზიდენტის ინაუგურაცია 20 იანვარს გაიმართება. ამის შემდეგ, ჯო ბაიდენი თეთრ სახლს გადაიბარებს.
ავტორი: ექსპრესნიუსი,
epn.ge (@expressnews.ge)
