„ევროპული საქართველოს“ სპიკერის, თორნიკე დიასამიძის განცხადებით, „ქართული ოცნების“ წევრებს, სავარაუდოდ, წინასწარ უკანონოდ ჰქონდათ „სამართლიანი არჩევნების“ შედეგებზე ინფორმაცია მოპოვებული.

მისივე თქმით, „ქართული ოცნების“ წევრები ბოლო პერიოდში „უცნაურად გააქტიურდნენ.

„როდესაც გაყალბებაზე ვსაუბრობდით, „ევროპული საქართველო“ არასოდეს დავყრდნობივართ „სამართლიანი არჩევნების“ პარალელური გადათვლის შედეგებს. „სამართლიანი არჩევნები“ ვერ აკონტროლებს ისეთი ტიპის გაყალბებეს, როგორიც არის ბიულეტენების ჩაყრა და რომლის ვიდეოზეც „ქართული ოცნების“ სასამართლოში თქვეს, რომ იქნებ სხვა რამ ჩაყარესო.

„სამართლიანი არჩევნები“ ვერ აკონტროლებს კარუსელებს, ძალადობას და სავარაუდოდ „ქართული ოცნების“ წევრებს წინასწარ უკანონოდ ჰქონდათ „სამართლიანი არჩევნების“ შედეგებზე ინფორმაცია მოპოვებული, რადგან ძალიან უცნაურად გააქტიურდნენ ბოლო დღეების განმავლობაში, რათა გადაემოწმებინათ „სამართლიანი არჩევნების“ შედეგები, რითიც მათი აზრით, მახე დაუგეს ოპოზიციას“, - განაცხადა თორნიკე დიასამიძემ.

შეგახსენებთ, რომ „სამართლიანმა არჩევნებმა“ (ISFED) 31 ოქტომბრის არჩევნებთან დაკავშირებით განცხადება გაავრცელა, რომლის თანახმად არჩევნებში საარჩევნო სუბიექტების მიერ მიღებული ხმების გამოსათვლელ ფორმულაში ხარვეზი გამოვლინდა. კერძოდ, საარჩევნო სუბიექტების მიერ მიღებულ ხმებთან ერთად, დათვლილ იქნა ბათილი ბიულეტენებიც, რისი გასწორების შედეგადაც საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა. აღნიშნული სხვაობა გავლენას არ ახდენს არცერთი საარჩევნო სუბიექტის მიერ მიღებული მანდატების რაოდენობაზე. მათივე ინფორმაციით, საბოლოო შეეგებით, "ქართულმა ოცნებამ" საპარლამენტო არჩევნებში ხმების 47.6% მიიღო.

ავტორი: ექსპრესნიუსი,

სოციალური ქსელები

კობახიძემ თინათინ რუხაძის და მისი მოადგილის გათავისუფლების შესახებ ბრძანება გამოსცა

სუს-მა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის მსხვილი კრიმინალური დაჯგუფების სამი წევრი დააკა

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს