რუსეთთან კავშირების გაღრმავება და თავდაცვისა და უსაფრთხოების ერთიანი ტერიტორიის შექმნა, რჩება პირველ ამოცანად, - ამის შესახებ ოკუპირებული აფხაზეთის ე.წ პრეზიდენტმა, ასლან ბჟანიამ განაცხადა.

მისივე თქმით, საქართველო აფხაზეთს დღემდე საკუთარ ტერიტორიად მიიჩნევს, მიუხედავად იმისა, რომ ქვეყნებს შორის არაა გაფორმებული სამშვიდობო ხელშეკრულება.

„მთიან ყარაბაღში განვითარებული მოვლენები და მიღწეული შედეგი მოწმობს, რომ მსოფლიო არ გამხდარა მეტად ჰუმანური და პირველ ფლანგზე რჩება სამხედრო უსაფრთხოების უზრუნველყოფა. იმის გათვალისწინებით, რომ საქართველო აფხაზეთს დღემდე საკუთარ ტერიტორიად მიიჩნევს და ჩვენს შორის არ არის გაფორმებული სამშვიდობო ხელშეკრულება, რუსეთის ფედერაციის პრეზიდენტ ვლადიმერ პუტინთან სამხედრო უსაფრთხოების საკითხი განვიხილეთ. რუსეთთან კავშირების გაღრმავება, პირველ რიგში სამხედრო კუთხით, ასევე ერთიანი თავდაცვითი ტერიტორიის შექმნა, რჩება პირველ ამოცანად“, - განაცხადა ასლან ბჟანიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ რიაზანში Wildberries-ის საწყობი და ნავთობგადამამუშავებელი ქარხანა დაბომბა

CENTCOM: აშშ-მ და საუდის არაბეთმა ერაყის ტერიტორიაზე საჰაერო დარტყმები განახორციელეს

ირანმა იორდანიაში აშშ-ის ბაზაზე სარაკეტო თავდასხმაზე პასუხისმგებლობა აიღო

ტრამპმა ზელენსკისთან და ნეთანიაჰუსთან მოლაპარაკებები პროდუქტიულად შეაფასა