„ენმ - ძალა ერთობაშიამ“ არჩევნების მეორე ტურიდან საკუთარი კანდიდატურა ოფიციალურად მოხსნა.

აღნიშნულის შესახებ პარტიის ოფისში გამართულ ბრიფინგზე „ნაციონალური მოძრაობის“ წევრმა, გიორგი ბოტკოველმა განაცხადა.

მისივე თქმით, ბოიკოტს აჭარის უმაღლესი საბჭოს მაჟორიტარობის კანდიდატებიც უერთდებიან და მეორე ტურში მონაწილეობაზე უარს აცხადებენ.

„ბლოკი „ერთიანი ნაციონალური მოძრაობა - გაერთიანებულია ოპოზიცია - ძალა ერთობაშიას“ სახელით ჩვენ, ის 12 მაჟორიტარობის კანდიდატი, ვინც ბიძინა ივანიშვილის დაწერილი, გაყალბებული არჩევნების შედეგად ვართ დღეს მეორე ტურში, უარს ვაცხადებთ და არ ვიღებთ მონაწილეობას იმ ფარსში, რომელიც დადგა ივანიშვილმა 31 ოქტომბერს. მას უნდა, ეს ყველაფერი გააგრძელოს 21 ნოემბერსაც. ასევე, ამ ბოიკოტს უერთდება აჭარის უმაღლესი საბჭოს მაჟორიტარობის ორი კანდიდატი, რომელიც დღეს იმყოფება მეორე ტურში. ჩვენ არ ვაპირებთ მონაწილეობა მივიღოთ იმ გაყალბებულ არჩევნებში, რომლითაც ივანიშვილმა ქართველ ხალხს მოპარა არჩევანი“, - განაცხადა გიორგი ბოტკოველმა.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება