2015-09-24 17:30:38, 1226 ნახვა
მსოფლიო
ბოლო მონაცემებით, მექაში 717 ადამიანი დაიღუპა
მუსულმანების წმინდა ქალაქ მექაში ხაჯის შესრულების დროს მომხდარი ჭყლეტის შედეგად, ბოლო მონაცემებით 717 ადამიანი დაიღუპა.
გარდა ამისა, საუდის არაბეთის სამოქალაქო თავდაცვის ორგანიზაციის ინფორმაციით, შემთხვევის შედეგად 800 ადამიანი დაშავდა.
ადგილზე სასწრაფო დახმარების 200 ავტომობილი და 4 ათასი მაშველია მობილიზებული.
სულ მექაში წელს 1.3 მილიონი ადამიანი ჩავიდა.
მექაში ხაჯის დროს ჭყლეტვა თითქმის ყოველწლიურად ხდება. ყველაზე დიდი მსხერპლი 1990 წლის ხაჯს მოჰყვა, როდესაც 1.4 ათასი ადამიანი დაიღუპა.
ხაჯის შესრულება ცხოვრებაში ერთხელ მაინც ყველა მუსულმანს ევალება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
