10 ნოემბერს ხელმოწერილი ზავის თანახმად, დღეს სომხეთი აზერბაიჯანს ქელბაჯარის რაიონს გადასცემს. რაიონი სომეხი მოსახლეობის დიდმა ნაწილმა დატოვა.

BBC-ს ცნობით, მოსახლეობა სომხეთში მიდის და თან ყველაფერი მიაქვს, რისი წაღებასაც ახერხებს, ხოლო დარჩენილ ქონებას, მათ შორის, სახლებს წვამს.

„თუ ამ სახლში ჩემმა შვილებმა არ უნდა იცხოვრონ, მაშინ ვერავინ უნდა შეძლოს აქ ცხოვრება“, - აცხადებს ერთ-ერთი სომეხი დევნილი.

ვრცელდება კადრები, სადაც ჩანს, რომ ქელბაჯარის საჯარო სკოლა იწვის. ცეცხლი შენობას სკოლის დირექტორმა წაუკიდა.

ქელბაჯარის რაიონში აქტიურად იჩეხება ტყეები, დევნილები შეშას სომხეთში ეზიდებიან.

გავრცელებული ინფორმაციით, დევნილებმა სომხეთში გადასასვენებლად საკუთარი მიცვალებულებიც ამოთხარეს.

ქელბაჯარის სომხეთთან დამაკავშირებელ გზაზე საცობებია, გზა სათვირთო და მსუბუქი ავტომობილებით გადაჭედილია.

შეგახსენებთ, რომ ქალბაჯარის რაიონი აზერბაიჯანს 15 ნოემბერს გადაეცემა, რაც სომხეთის პრემიერ ნიკოლ ფაშინიანის, აზერბაიჯანის პრეზიდენტ ილჰამ ალიევის და რუსეთის პრეზიდენტის ვლადიმერ პუტინის ხელმოწერილ სამმხრივ დეკლარაციითაა გათვალისწინებული.

1 დეკემბრამდე სომხეთმა აზერბაიჯანს კდიევ ორი რაიონი უნდა დაუბრუნოს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს