„ერთიანი ნაციონალური მოძრაობის“ ისნის მაჟორიტარი დეპუტატობის კანდიდატი ხატია დეკანოიძე ზუგდიდში, „საქართველოს ბანკის“ ფილიალზე მომხდარ თავდასხმას ეხმაურება და ამბობს, რომ ის ინსტიტუტები, რომლებიც უსაფრთხოებას უნდა ემსახურებოდნენ ემსახურება მხოლოდ ერთ ადამიანს, ბიძინა ივანიშვილს.

„ესებუას საქმე და ზუგდიდში მიმდინარე მოვლენები ნათლად გვაჩვენებს იმას, თუ როგორ არის ჩამოშლილი პრაქტიკულად ყველა სახელმწიფო ინსტიტუტი. განსაკუთრებით ის ინსტიტუტები, რომლებიც უსაფრთხოებას უნდა ემსახურებოდნენ და ემსახურება მხოლოდ ერთ ადამიანს, ბიძინა ივანიშვილს. შესაბამისად, ზუსტად ეს არის იმ მმართველობის და მმართველობის ფორმის შედეგი რომელიც დაამკვიდრა ოლიგარქმა, როდესაც ყველა ემსახურება მას. პრაქტიკულად მას ადამიანების წინაშე არანაირი ანგარიშვალდებულება არ აქვს“, - განაცხადა დეკანოიძემ.

ცნობისთვის, შინაგან საქმეთა სამინისტროს ინფორმაციით, ზუგდიდში, „საქართველოს ბანკის“ ფილიალზე მომხდარი თავდასხმა ბადრი ესებუამ განახორციელა. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა