2020-10-22 12:52:11, 463 ნახვა
კომენტარი
ხატია დეკანოიძე - ბატონი ჯონდი ჩვეულებრივ რუსული პროპაგანდის ნაწილია
ბატონი ჯონდი ჩვეულებრივ რუსული პროპაგანდის ნაწილია, - ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.
მისი თქმით, გარეჯთან დაკავშირებით არავითარი შეთანხმება არ ყოფილა.
„ჩვეულებრივ რუსული პროპაგანდის ნაწილია ბატონი ჯონდი. ყველაფერი გასაგებია, რასაც აკეთებენ. არავითარი შეთანხმება გარეჯზე არ ყოფილა და ეს ყველამ ძალიან კარგად იცის. არ ყოფილა არავითარი ხელმოწერილი დოკუმენტი, პირიქით, გარეჯის თემაზე ადამიანის ბედით მანიპულირება არის ზუსტად ის, რომ ეროვნული ინტერესები დააზარალა თავად „ქართულმა ოცნებამ“, - განაცხადა დეკანოიძემ.
ცნობისთვის, ამ წუთებში „ქართულის დასის“ თავმჯდომარეს, ჯონდი ბაღათურია პროკურატურაში გამოკითხვაზე იმყოფება. საქმე ე.წ კარტოგრაფების საქმეს ეხება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
