გერმანიის საერთაშორისო საზოგადოების (giz) მხარდაჭერით, პროგრამა worldsiklls georgia- ს ფარგლებში, საქართველოს მასშტაბით პროფესიული განათლების კვირეული მიმდინარეობს.

ფოთის მერიის ინფორმაციით, პროგრამის ბრენდირებული ავტობუსი საერთაშორისო პროგრამის წარმომადგენლებითა და შესაბამისი დღის წესრიგით, სახელმწიფო პროფესიული საგანმანათლებლო პროგრამების განმახორციელებელ დაწესებულებებში პროფორიენტაციულ აქტივობებს ატარებს. აღნიშნული აქტივობა ღია კარის დღის ფორმატით, ფოთის პროფესიულ კოლეჯში ,,ფაზისი'' გაიმართა. კოლეჯში ღონისძიებისათვის სპეციალურად საგამოფენო სივრცე მოეწყო, სადაც სტუდენტების ნამუშევრები წარმოადგინეს. აქტივობაზე მოწვეული სტუმრები ინტერესით გაეცნენ კოლეჯის სტუდენტთა და კურსდამთავრებულთა ნამუშევრებს.

კოლეჯში გამართულ პროფორიენტაციულ ღონისძიებას დაესწრო ფოთის მუნიციპალიტეტის მერის მოადგილე ნილოლოზ გრიგოლია, რომელმაც გამოფენასთან ერთად, სასწავლებლის მატერიალურ-ტექნიკური ბაზაც დაათვალიერა. საერთაშორისო პროგრამის ფარგლებში გამართულ პროფორიენტაციულ აქტივობას ესწრებოდნენ კოლეჯის წარმატებული კურსდამთავრებულები, სტუდენტები, სწავლის მსურველები, მშობლები, პარტნიორი ორგანიზაციების წარმომადგენლები. პროფესიული კოლეჯი ,,ფაზისი'' მრავალმხრივი მიმართულებისაა. კოლეჯში ეუფლებიან ბუღალტრის, მოლარის, საბაჟო დეკლარაციების სპეციალისტის, საბაჟო წარმომადგენლის, ოფისის მენეჯერის, ელექტრიკოსის, დურგლის, ძრავის შემკეთებლის, საკერავი მანქანის ოპერატორის, სამკერვალო ნაწარმის სპეციალისტის, თმის სტილისტის, სასტუმროს საქმის მწარმოებლის, გემის სამანქანე განყოფილების რიგითი მეზღვაურის პროფესიებს. გასულ სასწავლო წელს კოლეჯის ათასორასმა კურსდამთავრებულმა მიიღო სპეციალობა, რომელთა უმეტესობა ფოთელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის