2020-10-13 15:31:36, 565 ნახვა

---

სალომე სამადაშვილი - ძალადობრივი პოლიტიკის შემოქმედი და მასზე პასუხისმგებელი „ქართული ოცნება“ და ბიძინა ივანიშვილია

ფრაქცია „ნაციონალური მოძრაობის“ თავმჯდომარის მოადგილის, სალომე სამადაშვილის განცხადებით, „ქართული ოცნება“ და ბიძინა ივანიშვილი ძალადობრივი პოლიტიკის შემოქმედია.

მისი თქმით, დღევანდელმა ხელისუფლებამ წინა არჩევნებზე მომხდარი ძალადობის ფაქტები კვლავ გამოუძიებელი დატოვა.

„ოპოზიცია ძალიან დამაჯერებლად გაიმარჯვებს ამ არჩევნებში, ამიტომ ჩვენს ინტერესებში ცხადია, რომ არანაირი არეულობა, პროვოკაციები და ძალადობრივი თავდასხმები არ შედის. ერთადერთი ვის ინტერესებშიც ეს შედის არის „ქართული ოცნება“ და ბიძინა ივანიშვილი.

რაც შეეხება ამ საკითხის მეორე მხარეს, ეს არის ის ხელისუფლება, რომელმაც გამოუძიებელი და დაუსჯელი დატოვა ყველა ჯერზე წინა არჩევნებზე ძალადობის ფაქტები და პირიქით, ახალისებს საკუთარი პოლიტიკით სწორედ ძალადობას ოპოზიციის წინააღმდეგ. ასე რომ, ძალადობრივი პოლიტიკის შემოქმედი, ავტორი და მასზე პასუხისმგებელი მთლიანად არის „ქართული ოცნება“ და ბიძინა ივანიშვილი“, - განაცხადა სალომე სამადაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი