2020-10-08 11:57:42, 1026 ნახვა
მსოფლიო
ილჰამ ალიევი - სომხეთმა უნდა შეწყვიტოს მტკიცება, რომ ყარაბაღი სომხეთია
„სომხეთმა უნდა შეწყვიტოს მტკიცება, რომ ყარაბაღი სომხეთია“, - ამის შესახებ აზერბაიჯანის პრეზიდენტმა, ილჰამ ალიევმა განაცხადა.
ალიევი აღნიშნულ საკითხზე საუბრობს ტელეკომპანია „ევრონიუსთან“.
„სომხეთის მთავრობამ უნდა შეიცვალოს პოზიცია, თავი შეიკავოს მაქსიმალისტური პოზიციისგან, უნდა შეწყვიტოს იმის თქმა, რომ ყარაბაღი სომხეთია, რადგან ეს არ არის სიმართლე და ეს ანადგურებს მოლაპარაკებების პროცესი.
ხვალ ჩვენი საგარეო საქმეთა მინისტრი ჟენევაში მინსკის ჯგუფის ელჩებთან შეხვედრას გამართავს, სადაც სომხეთის საგარეო უწყების წარმომადგენელი თვის დასაწყისში უნდა ჩასულიყო, მაგრამ შეხვედრაზე უარი განაცხადეს. ეს გვიჩვენებს ვის სურს მოლაპარაკება და ვინ უბრალოდ ბრალდებებს აყენებს“, - განაცხადა ალიევმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
