რამიშვილი - პროკურატურას გადავცემ ოქმს, სადაც სუს-ის ყოფილი თანამშრომელი აღწერს, როგორ აძლევდა მითითებებს თამარ ბაჩალიაშვილს

2020-09-21 17:03:55, 705 ნახვა

სამართალი

ბაჩალიაშვილის ოჯახის ადვოკატის, მიხეილ რამიშვილის განცხადებით, მას დაუკავშირდა სუს-ის ყოფილი თანამშრომელი, რომელიც დეტალურად, აღწერს, როგორ გადასცემდა „ფლეშკას“ და აძლევდა მითითებებს თამარ ბაჩალიაშვილს.

რამიშვილის განცხადებით, ამაზე სუს-ის ყოფილი თანამშრომელი ოქმში დეტალურად საუბრობს. რამიშვილი ოქმს პროკურატურას გადასცემს.

„დღეს მოვიტანე ერთი გამოკითხვის ოქმი, რომელიც 3 აგვისტოთი თარიღდება, როდესაც დამიკავშირდა სუს-ის თანამშრომელი და რომელიც პირადად, დეტალურად, აღწერს გამოკითხვის ოქმში, როგორი ურთიერთობა და კონტაქტი ჰქონდა თამარ ბაჩალიაშვილთან, როგორ გადასცემდა გარკვეული წლების წინ, „ფლეშკებს“ და როგორ აძლევდა მას მითითებებს.

გადავცემ გამოძიებას გამოკითხვის ოქმს, მივუთითებ გვარებს და სახელებს, რაც გამოკითხვის ოქმში წერია და დაველოდები, რას მოიმოქმედებს გამოძიება.

ეს ადამიანი მუშაობდა იმ სფეროში, რა სფეროც დაკავშირებულია კომპიუტერებთან და პროგრამებთან", - განაცხადა რამიშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან