„ნაციონალურ მოძრაობასა“ და მის სატელიტებთან, როგორიცაა „ევროპული საქართველო“ „ლეიბორისტები“, „გირჩი“ და ა.შ, ასევე „პატრიოტთა ალიანსთან“, ნინო ბურჯანაძესა და პრორუსულ პარტიებთან“ გამოვრიცხავთ კოალიციას, - ამის შესახებ საპარლამენტო უმრავლესობის ლიდერმა ირაკლი კობახიძემ განაცხადა.

მისი თქმით, „ნაც. მოძრაობა“ და „პატრიოტთა ალიანსი“ არის ერთი ბნელი მედლის ორი მხარე და ისინი ერთად აკეთებდნენ რუსულ საქმეს.

„კოალიცია ჩვენ არ დაგვჭირდება. ასეთია დღევანდელი სურათი და ჩვენ ვართ დარწმუნებული, რომ საზოგადოების მხარდაჭერის საფუძველზე ჩვენ ავიღებთ ბევრად მეტს ვიდრე 50%-ია და შესაბამისად ჩამოვაყალიბებთ სტაბილურ საპარლამენტო უმრავლესობას. თუ ვსაუბრობთ თეორიულ ვარიანტებზე, ჩვენ, რა თქმა უნდა, გამოვრიცხავთ ნებისმიერ კოალიციას როგორც „ნაციონალურ მოძრაობასა“ და მის სატელიტებთან, როგორიცაა „ევროპული საქართველო“ „ლეიბორისტები“, „გირჩი“ და ა.შ, ასევე „პატრიოტთა ალიანსთან“, ნინო ბურჯანაძესა და პრორუსულ პარტიებთან.

„ნაც. მოძრაობა“ და „პატრიოტთა ალიანსი“ არის ერთი ბნელი მედლის ორი მხარე, ისინი ერთად აკეთებდნენ რუსულ საქმეს საქართველოში და ესაა მათთვის საერთო და ამიტომ სხედან ერთ მაგიდაზე. ვგულისხმობ „ნაც. მოძრაობას“, მის სატელიტებს, „პატრიოტთა ალიანსსა“ და ნინო ბურჯანაძეს. ისინი არიან გაერთიანებული რუსული საქმისთვის“, - განაცხადა კობახიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს