საქართველოს თავდაცვის მინისტრის ვიზიტი ევროპაში მესამე დღეა გრძელდება. თავდაცვის სამინისტროს ინფორმაციით, დღეს ესტონელ კოლეგასთან და პრემიერ-მინისტრთან შეხვედრის შემდეგ, თინათინ ხიდაშელს ესტონეთის საგარეო საქმეთა მინისტრმა მარინა კალიურანმა უმასპინძლა და საქართველოს დელეგაცია ოფიციალურ სადილზე მიიპატიჟა.

მარინა კალიურანმა თინათინ ხიდაშელს კიდევ ერთხელ დაუდასტურა, რომ ესტონეთი მხარს უჭერს საქართველოს ტერიტორიულ მთლიანობას, სუვერენიტეტს და მის მისწრაფებას ევროპულ და ევროატლანტიკურ სტრუქტურებში.
 „ქალბატონი მარინა საქართველოს ძალიან დიდი ხნის მეგობარია. როდესაც იგი ვაშინგტონში ესტონეთის ელჩი იყო საქართველოსთან მიმართებაში ყველაზე ხმამაღალი განცხადებებით გამოირჩეოდა. ჩვენ სწორედ იქ გავიცანით ერთმანეთი. შეხვედრაზე მისგან მივიღეთ სრული მხარდაჭერა და პირობა, რომ სწორედ იმავე პათოსით და განწყობით გააგრძელებს საქართველოს თანადგომას უკვე თავის ახალი თანამდებობიდან, როგორც საგარეო საქმეთა მინისტრი“, - განაცხადა თინათინ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია