პარტიის სკანდალური ბანერი ბათუმის მერიამ ჩამოხსნა.

გავრცელებული ინფორმაციით, პარტიის წინააღმდეგ სამართალდარღვევის ოქმიც შედგა.

ბანერები ჩამოხსნამდე, ერთ-ერთი ბანერი პარტია „ლელოს“ აქტივისტებმა ჩამოხიეს და ბანერის შინაარსი დაგმეს.

„დაიცავი აჭარა, დაიცავი შენი წილი საქართველო“ - ამ წარწერით „პატრიოტთა ალიანსს“ აჭარის ტერიტორია ოკუპირებულად ჰქონდათ აღბეჭდილი.

ჩამოხსნამდე ბანერს დეკანოზი ილიაც გამოეხმაურა და პარტიას რუსული აგენტურა უწოდა. ოპოზიციაში ფაქტზე კომენტარი  ელენე ხოშტარიამ და ხატია დეკანოიძემ გააკეთეს.

ვაკის მაჟორიტარობის კანდიდატის განცხადებით, „პატრიოტები“ ტყუილით შუღლის გაღვივებას ცდილობენ, ხატია დეკანოიძემ კი პარტიის არჩევნებიდან მოხსნა მოითხოვა.

შეგახსენებთ, რომ რუსი ოპოზიციონერის და ბიზნესმენის, მიხაილ ხოდორკოვსკის მიერ დაფუძნებულმა ორგანიზაცია დოსიემ  24 აგვისტოს გამოაქვეყნა გამოძიება, საიდანაც ირკვევა, რომ წინასაარჩევნოდ კრემლი საქართველოში პატრიოტთა ალიანსს პირდაპირ ეხმარება.

კერძოდ, პარტიას საარჩევნო კამპანიის დაგეგმვაში ეხმარება კრემლთან დაკავშირებული რამდენიმე პირი, რომლებსაც, თავის მხრივ, რუსული სპეცსამსახურების მაღალი თანამდებობის პირები აკონტროლებენ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს