2015-09-11 17:12:51, 618 ნახვა
საზოგადოება
პრემიერ-მინისტრი რეზო ჭეიშვილის გარდაცვალების გამო მწუხარებს გამოთქვამს
საქართველოს პრემიერ-მინისტრი ირაკლი ღარიბაშვილი ქართველი მწერლის რეზო ჭეიშვილის გარდაცვალების გამო მწუხარებს გამოთქვამს.
„დიდ მწუხარებას გამოვთქვამ ქართველი მწერლისა და დრამატურგის რეზო ჭეიშვილის გარდაცვალების გამო.
რეზო ჭეიშვილმა თავისი შემოქმედებით მდიდარი მემკვიდრეობა დაუტოვა ქართულ მწერლობას. დიდია მისი ღვაწლი ქართულ კინემატოგრაფიაშიც. რეზო ჭეიშვილის სცენარით არაერთი ფილმია გადაღებული, რომლებიც ქართული კინოს საუკეთესო ნიმუშებად არის მიჩნეული.
თანავუგრძნობ რეზო ჭეიშვილის ოჯახს, მეგობრებს, ახლობლებსა და ქართულ საზოგადოებას“, - ნათქვამია პრემიერ-მინისტრის განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
