„ევროპული საქართველოს“ ინფორმაციით, მთავრობას სურს არჩევნებზე საერთაშორისო დამკვირვებლები შემცირებული რაოდენობით მოიწვიოს.

აღნიშნულის შესახებ „ევროპული საქართველოს“ წევრმა, სერგი კაპანაძემ პარტიის ოფისში გამართულ ბრიფინგზე განაცხადა.

მისივე თქმით, ხელისუფლებამ უკვე დაიწყო მოსყიდვის სხვადასხვა პროგრამების  ამოქმედება.

„განსაკუთრებით მნიშვნელოვანია, რომ საერთაშორისო დამკვირვებლები საქართველოში ჩამოვიდნენ და არავის არ შეექმნას პრობლემა და შეფერხება. წინა არჩევნების პრაქტიკით ვიცით, რომ ზოგჯერ რამდენიმე ათასი დამკვირვებელი ჩამოსულა, ხოლო ეუთოს პრაქტიკაა, რომ რამდენიმე ასეულ დამკვირვეველს აგზავნის და ცდილობს, მაქსიმალურად იყოს წარმოდგენილი აქ. ძალიან მნიშვნელოვანია, რომ ეს დამკვირვებლები საქართველოში ჩამოვიდნენ და არავის შეექმნას შეფერხება.

ჩვენ გვაქვს ინფორმაცია, რომ მთავრობას სურს, დამკვირვებლების რაოდენობა იყოს მცირე. ისინი იმალებიან კორონაკრიზისის და პანდემიის უკან და იმედი აქვთ, რომ დამკვირვებლების რაოდენობა, შესაბამისად, იქნება მცირე.

ჩვენ უკვე კარგად ვხედავთ, თუ რა დაიწყო ხელისუფლებამ - უკვე დაიწყო მოსყიდვის სხვადასხვა პროგრამის ამოქმედება და როგორც ჩანს, აპირებს, რომ ეს ტემპი კიდევ გააძლიეროს წინ. ბუნებრივია, რაც უფრო ნაკლები დამკვირვებელი იქნება, რაც უფრო ნაკლები საერთაშორისო ორგანიზაცია აღნუსხავს ამ დარღვევებს, მით უკეთესი არის მათთვის“, - განაცხადა სერგი კაპანაძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს