COVID-19-ის გავრცელების პრევენციის მიზნით, შინაგან საქმეთა სამინისტროში საგანგებოდ შექმნილი სამუშაო ჯგუფის მიერ მესტიის მუნიციპალიტეტში, კერძოდ: ხაიშში, ლენჯერში, იფარში, ცაიში, უშგულში, მულახში, ნაკრაში, ჭუბერსა და ბეჩოში, სადაც საკარანტინო შეზღუდვებია დაწესებული, დეზინფექცია ჩაუტარდა შინაგან საქმეთა სამინისტროს სხვადასხვა დანაყოფის ყველა შენობას, მათ შორის სასაზღვრო პოლიციის სექტორებსა და დაცვის პოლიციის დეპარტამენტების საგუშაგოებს, ასევე, სვანეთში განთავსებულ საკონტროლო გამშვებ პუნქტებს.

პრევენციული ღონისძიებების ფარგლებში, დამუშავდა მესტიის მუნიციპალიტეტში მდებარე პოლიციის შენობები, დაცვის პოლიციის და სასაზღვრო პოლიციის თანამშრომელთა სამუშაო სივრცეები. სპეციალური ხსნარით დეზინფექცია ჩაუტარდა შენობების საერთო დარბაზებსა და თანამშრომელთა ოთახებს.​

კორონავირუსის გავრცელების პრევენციის მიზნით დამუშავდა მესტიის მუნიციპალიტეტის სოფლებში - ბარჯასა და ლენჯერში განთავსებული კარვებიც, სადაც პოლიცია, დაავადებათა კონტროლის ეროვნულ ცენტრის თანამშრომლებთან ერთად, მოქალაქეთა სპეციალურ აღრიცხვას აწარმოებს.

COVID-19-ის გავრცელების პრევენციისა და რისკების ეფექტიანი მართვის მიზნით, შინაგან საქმეთა სამინისტროს სტრუქტურულ ერთეულებში სადეზინფექციო სამუშაოები რეგულარულად ტარდება. აღსანიშნავია, რომ სამინისტროს თანამშრომლები სამუშაო რეჟიმის დროს, მოქალაქეებთან ურთიერთობისას, მკაცრად იცავენ ჯანდაცვის მსოფლიო ორგანიზაციის რეკომენდაციებსა და უსაფრთხოების პროტოკოლით განსაზღვრულ ნორმებს.

სადეზინფექციო სამუშაოების გარდა, შინაგან საქმეთა სამინისტროს თანამშრომლები განაგრძობენ მესტიის მუნიციპალიტეტში საკარანტინო შეზღუდვების შესახებ მოქალაქეების ინფორმირებას. პოლიცია უსაფრთხოების ნორმების მაქსიმალური დაცვით უზრუნველყოფს მოქალაქეთა ესკორტირებას სხვადასხვა რეგიონში მდებარე საკარანტინო სივრცეების მიმართულებით.

შეგახსენებთ, რომ საქართველოს მთავრობის უწყებათშორისი საკოორდინაციო საბჭოს მიერ 10 აგვისტოს მიღებული გადაწყვეტილების საფუძველზე, მაღალი ეპიდემიოლოგიური რისკის გამო, მესტიის მუნიციპალიტეტში შესვლა-გამოსვლა შეიზღუდა. მუნიციპალიტეტში შესვლა შესაძლებელია მხოლოდ ადგილობრივი მოსახლეობისთვის, გამოსვლის შემთხვევაში კი - მოქალაქეები ვალდებული არიან, გაიარონ კარანტინი.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა