ადვოკატი - მინიმუმ დროში მაინც უნდა გაეზომათ, რამდენად რეალურია შაქარაშვილის წყლამდე მიდევნებისა და დახრჩობის ვერსია

2020-08-11 15:49:59, 1095 ნახვა

სამართალი

გიორგი შაქარაშვილი საქმეზე დაკავებული მორაგბის, არჩილ გაგნიძის ადვოკატმა, ალექსანდრე კობაიძემ განაცხადა, რომ მას პროკურატურის მიერ წარდგენილი მასალა ტრილერივით მოეჩვენა.

კობაიძის თქმით, საგამოძიებო უწყებას მინიმუმ დროში მაინც უნდა გაეზომა, რამდენად რეალურია შაქარაშვილის წყლამდე მიდევნებისა და შემდეგ მისი ლიკვიდაციის ვერსია.

„მე რომ ვუყურე აღნიშნულ ვერსიას, რაღაცა თრილერივით მომეჩვენა ეს, რაც ბრალდების მხარეს არ უნდა გაეკეთებინა. ანუ რას ვგულისხმობ, ის ფაქტობრივი გარემოებები, რომ თურმე წყლამდე მისდიეს და შემდეგ წყალში მოახდინეს მისი ლიკვიდაცია, მინუმუმ დროში ხო უნდა გაეზომათ რამდენად რეალური და რელევანტური იყო. ამაზე პასუხი არ ექნება. უფრო გაგვეხსნა ხელ-ფეხი, რომ ამ მიმართულებით მთელი რიგი საგამოძიებო ექსპერტიზები ჩავატაროთ“, - განაცხადა კობაიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან