2020-07-17 15:22:46, 5931 ნახვა

---

გოცირიძე სააკაშვილზე - მერამდენე წელია იმყოფება სამშობლოს მიღმა და გნებავთ, დავარცხნილი სიტყვებითა და მოთაფლული ენით ისაუბროს?

ქვეყნიდან გაძევებული პრეზიდენტი, მერამდენე წელია იმყოფება თავისი სამშობლოს მიღმა და გნებავთ, დავარცხნილი სიტყვებით, ტკბილი და მოთაფლული ენით ისაუბროს? - ამის შესახებ „ნაციონალური მოძრაობის“ წევრმა რომან გოცირიძემ განაცხადა.

მანვე აღნიშნა, რომ სააკაშვილი ამბობს, რომ ხელისუფლების შეცვლის პროცესში მონაწილეობას მიიღებს და კანონიერი გზით ხელისუფლებას შეცვლიან.

„რა არის გასაკვირი იმაში, რომ ქვეყნიდან უსამართლოდ, შეთითხნილი ბრალდებებით ქვეყნიდან გაძევებული პრეზიდენტი, მერამდენე წელია იმყოფება თავისი სამშობლოს მიღმა და გნებავთ, დავარცხნილი სიტყვებით, ტკბილი და მოთაფლული ენით ისაუბროს? რასაც ამბობს, პირდაპირ და სწორად ამბობს. შეუძლია, კიდევ უფრო მკაცრად თქვას.  ის ამბობს, რომ ამ პროცესში მონაწილეობას მიიღებს და კანონიერი გზით ხელისუფლებას შევცვლით. ძალიან სასაცილოა, როცა გვეკითხებით, რომ ასეთი განცხადებები გეუხერხულებათ თუ არა“, - განაცხადა რომან გოცირიძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი