2020-06-04 12:28:04, 1200 ნახვა

---

თურნავა - მათ ვისაც, პანდემიის გამო საიჯარო ან საპრივატიზებო ვალდებულების გადახდაში შეექმნათ პრობლემა, სახელმწიფო გადახდის ვადებს გადაუვადებს

ქონების პრივატიზების შესახებ კანონში ცვლილება დავაინიცირეთ, რომლის თანახმადაც მთავრობას ეძლევა უფლება პანდემიისგან გამოწვეული და საგანგებო მდგომარეობიდან გამომდინარე, ის სახელმწიფო ქონება რომელიც არის განკარგული ჩვენი საპრივატიზებო ქონების მართვის სააგენტოს მიერ, მათ შორის გაიჯარებული სახელმწიფო ქონება, თუკი კერძო სუბიექტს შეექმნა პრობლემა და ვერ გადაიხადა საიჯარო გადასახადი, დაერიცხა პირგასამტეხლო და ასე შემდეგ შევიტანოთ გარკვეული ცვლილებები შევძლოთ ვაპატიოთ პირგასამტეხლო და გადავუვადოთ გადახდის ვადები - ამის შესახებ, ეკონომიკის და მდგრადი განვითარების მინისტრმა, ნათია თურნავამ განაცხადა.

მან ასევე აღნიშა, რომ გადახდაში შექმნილი პრობლემა უნდა იყოს დასაბუთებული, რომ ეს პანდემიასთან და მასთან დაკავშირებულ საგანგებო სიტუაციასთან არის დაკავშირებული.

„დღეს მთავრობის სხდომაზე რამოდენიმე ბიზნესისთვის, მოსახლეობისთვის და ჩვენი ეკონომიკისთვის საინტრესო გადაწყვეტილება მივიღეთ. დავაინიცირეთ მთავრობაში და იმედი გვაქვს პარლამენტი სწრაფად განიხილავს ქონების პრივატიზების შესახებ კანონში ცვლილებას, რომლის თანახმადაც მთავრობას ეძლევა უფლება პანდემიისგან გამოწვეული და საგანგებო მდგომარეობიდან გამომდინარე, ის სახელმწიფო ქონება რომელიც არის განკარგული ჩვენი საპრივატიზებო ქონების მართვის სააგენტოს მიერ, მათ შორის გაიჯარებული სახელმწიფო ქონება, თუკი კერძო სუბიექტს შეექმნა პრობლემა და ვერ გადაიხადა საიჯარო გადასახადი, დაერიცხა პირგასამტეხლო და ასე შემდეგ შევიტანოთ გარკვეული ცვლილებები შევძლოთ ვაპატიოთ პირგასამტეხლო და გადავუვადოთ გადახდის ვადები, შევუმსუბუქოთ ვალდებულებების შესრულება რაც სახელმწიფო ქონების პრივატიზების ან იჯარით აღების დროს ეკისრება კერძო სუბიექტს, როგორც ვალდებულება.

ეს არის ძალიან მნიშვნელოვანი, მათთვის ვინც აიღო სასოფლო სამეურნეო მიწები იჯარით ან საპრივატიზებო ხელშეკრულებით და მის შესრულებაში შეექმენა გარკვეული პრობლემები, თუმცა უნდა დასტურდებოდეს, რომ ეს პრობლემები არის პანდემიით და მასთან დაკავშირებული საგანგებო სიტუაციით გამოწვეული პირობებით. ეს შეღავათები ქინება ვადაში ჩაკეტილი, იმიტომ რომ ეს არის ამ გლობალურ გამოწვევასთან დაკავშირებული პრობლემები და მთავრობა ძალაინ სამართლიანად მიანიჭებს იურიდიულ თუ ფიზიკურ პირს გარკვეულ შეღავათს.

წინასწარი ინფორმაციით თუნდაც სასოფლო სამეურნეო მიწები ვისაც აქვთ აღებული, ეს არის 900-მდე სხვადსხვა სუბიექტი ვისაც გარკვეული პრობლემა შეექმნა დროულად იჯარის გადახდაში. ასევე 20-ზე მეტი სუბიექტი ვისაც საპრივატიზებო ვალდებულების შესრულებაშ შეექმნა პრობლემა  პანდემიის გამო“, - განაცხადა თურნავამ.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი