2020-05-27 15:32:24, 1057 ნახვა

---

კაპანაძე - დღეს პარლამენტში დავარეგისტრირეთ კანონპროექტი, რომელიც გულისხმობს საგანგებო მდგომარეობის დარღვევის გამო გამოწერილი ჯარიმების ჩამოწერას

დღეს ოპოზიციამ პარლამენტში დაარეგისტრირა კანონპროექტი, რომელიც გულისხმობს საგანგებო მდგომარეობის დარღვევის გამო გამოწერილი ჯარიმების ჩამოწერას.

აღნიშნულის შესახებ „ევროპული საქართველოს“ ერთ-ერთმა ლიდერმა სერგი კაპანაძემ განაცხადა.

მისი თქმით, ეს ჯარიმები არის აბსოლუტურად უსამართლო და უნდა მოხდეს მათი ჩამოწერა.

„დღეს ჩვენ პარლამენტში დავარეგისტრირეთ კანონპროექტი, რომელიც გულისხმობს ამ ჯარიმების ჩამოწერას საქართველოს მოქალაქეებისთვის. შესაბამისად, ჩვენი ამოცანა იქნება, რომ უახლოესი დღეების განმავლობაში ეს კანონპროეტი გავიტანოთ ჯერ ბიუროზე, შემდეგ კომიტეტებზე და ამაზე მოეწყოს დისკუსია და საბოლოოდ პარლამენტმა გადაწყვიტოს ამ ადამიანებისთვის ამ ჯარიმების გადახდევინება არის თუ არა სამართლიანი ჩვენ მიგვაჩნია რომ არის აბსოლუტურად უსამართლო, მით უმეტეს იმიტომ, რომ შერჩევითად ხდებოდა მისი გამოწერა“, - განაცხადა სერგი კაპანაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი