აშშ-მა ღია ცის შესახებ შეთანხმება დატოვა. 
დოკუმენტს პრეზიდენტმა დონალდ ტრამპმა ცოტა ხნის წინ მოაწერა ხელი. 
მიჩიგანის შტატში გაფრენის წინ ტრამპმა თქვა, რომ რუსეთი არ ასრულებდა ღია ცის შეთანხმებას, რადგან, პრეზიდენტის თქმით, აშშ-ს არ ჰქონდა საშუალება რამდენიმე ადგილზე ინსპექციური ფრენები ეწარმოებია.
ჰუდზონის უნივერსიტეტის ექსპერტი რიჩარდ ვაიცი "ამერიკის ხმის" რუსულ სამსახურთან საუბარში ამბობს, რომ რუსეთმა არაერთხელ დაარღვია ღია ცის შეთანხმება, როცა აშშ-ს აფხაზეთში ფრენების განხორციელების საშუალება არ მისცა.
"მთავარია, რომ რუსეთმა არაერთხელ დაარღვია ღია ცის შეთანხმება, როდესაც აშშ-ს უარს ეუბნებოდა ფრენები განეხორციელებიათ იმ ტერიტორიებზე, რომელიც მოსკოვს აღიარებული ჰყავს დამოუკიდებლად, საუბარია აფხაზეთზე. აფხაზეთში ინსპექციური ფრენდები აშშ-სთვის მნიშვნელოვანი იყო, რადგან ამით ქვეყანა უზრუნველყოფდა ბალტიის ფლოტის უსაფრთხოებას. აქედან გამომდინარე ტრამპის ადმინისტრაციას საკმარისზე მეტი საფუძველი ჰქონდა შეთანხმება დაეტოვებია" - აცხადებს ექსპერტი.
როგორც სააგენტო „როიტერსს“ ამერიკელმა მაღალჩინოსანმა წყარომ უთხრა, ვაშინგტონში შეთანხმებიდან გასვლა ექვსთვიანი ანალიზის საფუძველზე მოხდა, რომლის დროსაც გამოვლინდა, რომ რუსეთი ღია ცის შეთანხმების შესრულებაზე პერიოდულად უარს ამბობს.
თავდაპირველად, 1955 წელს, ღია ცის შესახებ შეთანხმების ინიციატივა აშშ-ის 34-ე პრეზიდენტს, დუაიტ ეიზენჰაუერს, ეკუთვნოდა. შეთანხმებას 1992 წელს მოაწერეს ხელი და 2002 წელს ამოქმედდა.

ამჟამად შეთანხმების მონაწილე ქვეყნები არიან: საქართველო, აშშ, რუსეთი, ბელარუსი, ბელგია, ბოსნია-ჰერცოგოვინა, ბულგარეთი, კანადა, ხორვატია, ჩეხეთის რესპუბლიკა, დანია, ესტონეთი, ფინეთი, საფრანგეთი, გერმანია, საბერძნეთი, უნგრეთი, ისლანდია, იტალია, ყაზახეთი, ლატვია, ლიტვა, ლუქსემბურგი, ნიდერლანდები, ნორვეგია, პოლონეთი, პორტუგალია, რუმინეთი, სლოვაკეთი, სლოვენია, ესპანეთი, შვედეთი, თურქეთი, უკრაინა, გაერთიანებული სამეფო.

ავტორი: ექსპრესნიუსი,

სოციალური ქსელები

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ

ცენტრალური სარდლობა: აშშ-ის ძალებმა ჰორმუზის სრუტეში ირანის 10 სამხედრო ობიექტი დაბომბეს

ირანის რევოლუციის გუშაგთა კორპუსმა ქუვეითსა და ბაჰრეინში აშშ-ის სამხედრო ობიექტებზე იერიში მიიტანა